ថ្ងៃទី ៧ខែសីហា ក្រុមហ៊ុនវិទ្យុផ្សាយសំឡេងទូទាំងប្រទេសអាមេរិកNBC បានក្លាយជាប្រព័ន្ធសារព័ត៌មានទីមួយដែលត្រូវអនុញ្ញាតឱ្យចូលក្នុងវិទ្យាស្ថានសិក្សាស្រាវជ្រាវវីរុសនៃក្រុងវូហាន ប្រទេសចិន ហើយបានយកបទសម្ភាសន៍ជាមួយលោកស្រី WangYanyi ប្រធានវិទ្យាស្ថានសិក្សាស្រាវជ្រាវវីរុសក្រុងវូហាន ។
ពេលផ្តល់បទសម្ភាសន៍ លោកស្រី Wang Yanyi បានថ្លែងថា លោកស្រីនិងបុគ្គលិកការងារផ្សេងទៀតនៃបន្ទប់ពិសោធន៍បានជួបប្រទះនូវរឿងអយុតិ្តធម៌ ។
លោកស្រី Wang Yanyi បានលើកឡើងថា ក្នុងដំណើរប្រយុទ្ធប្រឆាំងនឹងជំងឺឆ្លងនៅទូទាំងពិភពលោក វិទ្យាស្ថានសិក្សាស្រាវជ្រាវវីរុសក្រុងវូហានទទួលបានវិវឌ្ឍវីកចម្រើនដ៏សំខាន់ ដូចជាពួកគេជាក្រុមការងារក្នុងចំណោមក្រុមការងារដែលបានរកឃើញមុនគេបង្អស់នូវលំដាប់ហ្សែននៃវីរុសកូវីដ១៩ ហើយបានចែករំលែកជាមួយពិភពលោកទាំងមូល ។ ប៉ុន្តែ ជាការសោកស្តាយណាស់ ពួកគេត្រូវចាត់ទុកជាអ្នករងទោសឱ្យអ្នកដទៃក្នុងបញ្ហាប្រភពដើមរបស់វីរុស ។
លោកស្រីបានថ្លែងទៀតថា ពេលបាននិងកំពុងធ្វើការងារសិក្សាស្រាវជ្រាវដើម្បីទប់ទល់នឹងវីរុស មិនថាមនុស្សណាក៏ដោយ បើសិនជាត្រូវគេចោទប្រកាន់ដោយគ្មានហេតុផលនិងក្នុងចេតនាអាក្រក់ សុទ្ធតែនឹងមានអារម្មណ៍ខឹងសម្បាយ៉ាងខ្លាំង ។
លោកស្រី Wang Yanyi បានចង្អុលបង្ហាញថាក្នុងសភាពការណ៍គ្មានភស្តុតាងទាល់តែសោះ ក៏មានមនុស្សមួយចំនួនតូចបានថ្កោលទោសវិទ្យាស្ថានសិក្សាស្រាវជ្រាវវីរុសក្រុងវូហានថា បានបង្កើតវីរុសនិងឆ្លងវីរុសទៅកាន់ខាងក្រៅ ពាក្យសំដីបែបនេះមិនសមស្របនឹងការពិតជាក់ស្តែងទាល់តែសោះ ។
លោកស្រីបានថ្លែងទៀតថា អ្នកវិទ្យាសាស្ត្រនៃវិទ្យាស្ថានសិក្សាស្រាវជ្រាវវីរុសក្រុងវូហានសុទ្ធតែមិនបានឆ្លងវីរុសកូវីដ១៩ទេ ព្រមទាំងគូសបញ្ជាក់ថា កក្តានយោបាយមិនត្រូវរំខាន់ដល់ការងារស្វែងរកប្រភពនៃវីរុសកូវីដ១៩នោះទេ ៕