លោក Liu Huanxin អនុរដ្ឋមន្រ្តីនៃក្រសួងកសិកម្មនិងជនបទចិនបានថ្លែងនៅក្នុងសន្និសីទសារព័ត៌មាននៃការិយាល័យព័ត៌មាននៃក្រុមប្រឹក្សាកិច្ចការរដ្ឋចិនកាលពីថ្ងៃទី២៧ខែតុលាថា ប្រាក់ចំណូលគិតជាមធ្យមក្នុងមនុស្សម្នាក់ៗរបស់ប្រជាជននៅតាមជនបទក្នុងឆ្នាំ២០១៩បានលើសពី១ម៉ឺន៦ពាន់យាន់ប្រាក់ចិន ប្រាក់ចំណូលកសិករបានសម្រេចគោលដៅកើនឡើងទ្វេដងមុនពេលកំណត់ ។ រយៈពេល៩ខែដើមឆ្នាំនេះ ប្រាក់ចំណូលគិតជាមធ្យមក្នុងមនុស្សម្នាក់ៗរបស់ប្រជាជននៅតាមជនបទបានកើនឡើងដល់១ម៉ឺន២ពាន់២រយ៩៧យាន់ប្រាក់ចិន ត្រូវជា១.៦% ហើយនៅត្រីមាសទី៤ឆ្នាំនេះល្បឿនកំណើនត្រូវបានរំពឹងថាអាចបន្តលើកកម្ពស់ថែមទៀត ក្នុងឆ្នាំជំរុញឱ្យប្រជាជនមានជីវភាពធូរធារបង្គួរ កសិករនឹងកាន់តែសុភមង្គល ៕