ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានរៀបចំធ្វើសន្និសីទសារព័ត៌មានកាលពីថ្ងៃទី ២៧ ខែតុលា ។ ក្រសួងកសិកម្មនិងជនបទចិនបានធ្វើបទបង្ហាញថា ក្នុងអំឡុងពេលអនុវត្តផែនការអភិវឌ្ឍន៍ជាតិ ៥ ឆ្នាំទី ១៣ គណៈកម្មាធិការមជ្ឈិមបក្សកុម្មុយនិស្តចិនបានកំណត់គោលការណ៍ណែនាំទូទៅសម្រាប់ការអភិវឌ្ឍវិស័យកសិកម្មនិងជនបទជាអាទិភាព ដោយបានសម្រេចចិត្តអនុវត្តយុទ្ធសាស្ត្រស្តារភាពរីកចម្រើននៅតាមទីជនបទ ហេតុនេះ វិស័យកសិកម្មនិងតំបន់ជនបទទទួលបានការរីកចម្រើនប្រកបដោយលក្ខណៈប្រវត្តិសាស្ត្រ ។
លោក Liu Huanxin អនុរដ្ឋមន្ត្រីក្រសួងកសិកម្មនិងជនបទចិនបានថ្លែងថា ពេលបច្ចុប្បន្ននេះ ប្រទេសចិនកំពុងចាត់ចែងនិងគ្រោងផែនការអភិវឌ្ឍន៍វិស័យកសិកម្មនិងជនបទ ៥ ឆ្នាំទី ១៤ (2021-2025) ពេលអនាគតនឹងអនុវត្តគម្រោងកសិកម្មសំខាន់ៗមួយចំនួន ដែលផ្តោតទៅលើវិស័យធ្វើស្រែចម្ការតាមស្តង់ដារខ្ពស់ កសិកម្មនិងជនបទឌីជីថល ព្រមនឹងការបង្ការនិងគ្រប់គ្រងជំងឺឆ្លងនៃសត្វនិងរុក្ខជាតិជាដើម ក៏ដូចជាបង្កើនការវិនិយោគនិងលើកកម្ពស់សមត្ថភាពនៃបរិក្ខានិងឧបករណ៍កសិកម្មទំនើបផងដែរ ។
