លោកWang Wenbin អ្នកនាំពាក្យក្រសួងការបរទេសចិនបានថ្លែងនៅក្រុងប៉េកាំងកាលពីថ្ងៃទី ២៧ ខែតុលាថា សហគមន៍អន្តរជាតិគួរតែចាត់ទុកខួបទី ៧៥ នៃការបង្កើតអង្គការសហប្រជាជាតិជាឱកាសដ៏សំខាន់មួយនិងតម្កល់ទុកការរួមគ្នាទប់ទល់នឹងជំងឺឆ្លងជាចំណុចចាប់ផ្តើមថ្មី រំលឹកឡើងវិញនូវបេសកកម្មនៃក្តីបំណងដើម ប្រមូលផ្តុំគំនិតឯកភាពថ្មីដើម្បីពួតដៃគ្នាដើរឆ្លងគ្រាលំបាក ក្នុងន័យបង្កើតសហគមន៍រួមវាសនានៃមនុស្សជាតិ ។
តាមដំណឹងបានឱ្យដឹងថា កាលពីថ្ងៃទី ២៦ ខែតុលា ទីចាត់ការទូទៅនៃអង្គការសហប្រជាជាតិបានរៀបចំធ្វើសកម្មភាពរំលឹកខួបទី ៧៥ នៃការបង្កើតអង្គការសហប្រជាជាតិ ។ លោក Guterres អគ្គលេខាធិការអង្គការសហប្រជាជាតិបានថ្លែងថា បេសកកម្មនៃអង្គការសហប្រជាជាតិបច្ចុប្បន្ននេះគឺមានសារៈសំខាន់ជាងពេលណាៗទាំងអស់ ។
លោកស្រី Valovaya ប្រធានទីចាត់ការអង្គការសហប្រជាជាតិប្រចាំនៅក្រុងហ្សឺណែវបានថ្លែងថា ប្រទេសចិនបានដើរតួនាទីសំខាន់ក្រៃលែងក្នុងការផ្តល់ការគាំទ្រដល់ពហុភាគីនិយម ។