ថ្ងៃទី ២២ ខែមករា រដ្ឋបាលជាតិកម្មសិទ្ធិបញ្ញារបស់ប្រទេសចិនបានប្រកាសទិន្នន័យស្ថិតិឆ្នាំ ២០២០ស្តីពីប៉ាតង់តក្កកម្ម សញ្ញាពាណិជ្ជកម្ម និងម៉ាកសម្គាល់ភូមិសាស្ត្រជាដើម ។ ទិន្នន័យទាំងនេះបានបង្ហាញឱ្យដឹងថា គិតមកទល់ចុងឆ្នាំ ២០២០ ចិនដីគោកមានប៉ាតង់តក្កកម្មចំនួន ២២១,៣ ម៉ឺន ពោលគឺក្នុងមនុស្សមួយម៉ឺននាក់មានប៉ាតង់តក្កកម្មចំនួន ១៥,៨ ។ ឆ្នាំ ២០២០ ប្រទេសតាមបណ្តោយ “ខ្សែក្រវាត់និងផ្លូវ” បានបង្កើនកម្លាំងស្នើសុំប៉ាតង់តក្កកម្មនៅប្រទេសចិន ដែលមានកំណើន ៣,៩% បើប្រៀបធៀបនឹងដំណាក់កាលដូចគ្នានៃឆ្នាំ២០១៩ ។
ថ្លែងក្នុងសន្និសីទសារព័ត៌មានកាលពីថ្ងៃដដែល លោកHu Wenhui អ្នកនាំពាក្យនៃរដ្ឋបាលជាតិកម្មសិទ្ធិបញ្ញាប្រទេសចិនបានលើកឡើងថា ឆ្នាំ ២០២០ ការអភិវឌ្ឍនៃកម្មសិទ្ធិបញ្ញារបស់ប្រទេសចិនបានឡើងដល់កម្រិតថ្មីមួយទៀត សមត្ថភាពស្នើសុំកម្មសិទ្ធិបញ្ញារបស់សហគ្រាសចិននៅឯនាយសមុទ្រក៏ត្រូវលើកកម្ពស់កម្រិតថែមទៀតផងដែរ ៕