ជំរុញការអភិវឌ្ឍន៍បៃតង ជំរុញឱ្យមនុស្សនិងធម្មជាតិរួមរស់នៅដោយចុះសម្រុងគ្នា។ ប្រកាន់ខ្ជាប់នូវទស្សនៈ"ទឹកថ្លាភ្នំបៃតងគឺជាភ្នំមាសភ្នំប្រាក់" អនុវត្តជាក់ស្តែងនូវគោលដៅរួមចំណែករបស់ប្រទេសចាំតិក្នុងការទប់ទល់នឹងបម្រែបម្រួលអាកាសធាតុឆ្នាំ២០៣០ ជំរុញការការពារអេកូបរិស្ថានក្នុងកម្រិតខ្ពស់ស្របនឹងការអភិវឌ្ឍសេដ្ឋកិច្ចដោយគុណភាពខ្ពស់។
បង្កើនសុខុមាលកិច្ចប្រជាជនជាបន្តបន្ទាប់ ជំរុញជីវភាពធូរធាររួមយ៉ាងប្រាកដប្រជា។ តាក់តែងផែនការប្រតិបត្តិស្រីពីជីវភាពធូរធាររួម ធ្វើឱ្យប្រជាជនកាន់តែទទួលបានផលប្រយោជន៍ដោយយុត្តិធម៌ពីសមិទ្ធផលអភិវឌ្ឍន៍ បន្ថែមឱកាសការងារ ធ្វើឱ្យកាន់តែមានសុក្រឹតភាពនូវប្រព័ន្ធសុខាភិបាលសាធារណៈ។
គ្រោងផែនការការអភិវឌ្ឍន៍និងសន្តិសុខ ដើម្បីកសាងប្រទេសដ៏ដែលកាន់តែមានសន្តិសុខ។ ប្រកាន់ខ្ជាប់នូវទស្សៈសន្តិសុខជាតិ ពង្រឹងការធានាសន្តិសុខសេដ្ឋកិច្ចជាតិ លើកកម្ពស់សមត្ថភាពធានាសន្តិសុខសាធារណៈឱ្យបានគ្រប់ជ្រុងជ្រោយ គាំពារស្ថិរភាពនិងសន្តិសុខសង្គម។
សម្លឹងមើលទៅអនាគត យើងមានជំនឿចិត្តនិងមានសមត្ថភាពក្នុងការពុះពារឧបសគ្គ តាមផ្លូវដើរឆ្ពោះទៅមុខ សម្រេចគោលដៅនិងភារកិច្ចដែលកំណត់ក្នុងផែនការ ៥ ឆ្នាំទី ១៤ ដើម្បីខិតខំចារទំព័រថ្មីនៃបុព្វហេតុសង្គមនិយមប្រកបដោយលក្ខណៈពិសេសចិន។
៣ ការងារសំខាន់ៗប្រចាំឆ្នាំ២០២១
ឆ្នាំនេះជាឆ្នាំសំខាន់និងពិសេសមួយក្នុងដំណើរកសាងទំនើបកម្មរបស់ប្រទេសចិន។ យើងត្រូវធ្វើការងាររដ្ឋាភិបាលឱ្យបានល្អ ក្រោមការដឹកនាំដ៏មុតមាំរបស់គណៈកម្មាធិការមជ្ឈិមបក្សកុម្មុនិស្តចិនដែលមានលោកស៊ីជីនភីងជាប្រមុខស្នូល និងការណែនាំនៃគំនិតសង្គមនិយមប្រកបដោយលក្ខណៈពិសេសចិនក្នុងយុគស័យថ្មីរបស់លោកស៊ីជីនភីង ប្រកាន់ខ្ជាប់នូវការស្វែងរកភាពរីកចម្រើនដោយឈរលើមូលដ្ឋាននៃភាពនឹងនរ បង្កើតនិម្មាបនកម្មអភិវឌ្ឍន៍ថ្មី ដោយខិតខំជំរុញការអភិវឌ្ឍដោយគុណភាពខ្ពស់ ផ្តោតលើការធ្វើឱ្យស៊ីជម្រៅនូវកំណែទម្រង់រចនាសម្ព័ន្ធ ផ្តោតលើនវានុវត្តន៍និងកំណែទម្រង់កម្លាំងចលករ ផ្តោតលើការបំពេញតាមតម្រូវការក្នុងជីវភាពរស់នៅដ៏ល្អបវររបស់ប្រជាជន ពង្រឹងនិងពង្រីកសមិទ្ធផលនៃការងាររបង្ការនិងគ្រប់គ្រងជំងឺឆ្លង និងការអភិវឌ្ឍសេដ្ឋកិច្ចនិងសង្គម គ្រោងផែនការអភិវឌ្ឍន៍និងសន្តិសុខ ធ្វើការងារ"លំនឹង ៦ វិស័យ”ឱ្យបានប្រាកដប្រជា អនុវត្តជាក់ស្តែងឱ្យបានគ្រប់ជ្រុងជ្រោយនូវភារកិច្ច“ការពារ ៦ វិស័យ” អនុវត្ត គោលនយោបាយម៉ាក្រូតាមបែបវិទ្យាសាស្ត្រនិងចំគោលដៅ ខិតខំរក្សាឱ្យសេដ្ឋកិច្ចដំណើរការក្នុងរង្វង់សមហេតុផល ប្រកាន់ខ្ជាប់នូវយុទ្ធសាស្រ្តពង្រីកតម្រូវការក្នុងស្រុក ពង្រឹងការទ្រទ្រង់ជាយុទ្ធសាស្រ្តខាងវិទ្យាសាស្ត្រនិងបច្ចេកវិទ្យា ពង្រីកការបើកទូលាយចំពោះបរទេសក្នុងកម្រិតខ្ពស់ រក្សាសុខដូមនីយកម្មនិងស្ថិរភាពនៃសង្គម ធានាឱ្យផែនការអភិវឌ្ឍន៍ ៥ ឆ្នាំទី ១៤ មានការចាប់ផ្តើមដ៏ល្អប្រសើរដើម្បីជាចំណងដៃសម្រាប់អបអរសាទរខួបទី ១០០ ឆ្នាំនៃការបង្កើតបក្សកុម្មុយនិស្តចិន។
គោលដៅរំពឹងទុកសំខាន់ៗក្នុងការអភិវឌ្ឍឆ្នាំនេះគឺ៖ ផលិតផលក្នុងស្រុកសរុបមានកំណើនលើសពី ៦% នៅទីក្រុងមានឱកាសការងារបន្ថែមថ្មីលើសពី ១១ លាននាក់ អត្រាបាត់បង់ការងារនៅទីក្រុងមានចំនួនប្រមាណ៥,៥% កំណើនសន្ទស្សន៍ថ្លៃប្រើប្រាស់ចំណាយរបស់ប្រជាពលរដ្ឋមានចំនួនប្រមាណ ៣% ការនាំចេញនាំចូលមានស្ថិរភាព និងមានគុណភាពកាន់តែល្អ ចំណូលនិងចំណាយអន្តរជាតិមានតុល្យភាពជាមូលដ្ឋាន ចំណូលរបស់ប្រជាពលរដ្ឋកើនឡើងដោយនឹងនរ អេកូបរិស្ថានត្រូវបានកែលម្អថែមទៀត ការប្រើប្រាស់ថាមពលនៃផលិតផលក្នុងស្រុកសរុបធ្លាក់ចុះប្រមាណ៣% បរិមាណបញ្ចេញសារធាតុបំពុលសំខាន់ៗបន្តធ្លាក់ចុះ ទិន្នផលស្បៀងរក្សាទំហំលើសពី ០,៦៥ ទ្រីលានគីឡូក្រាម។
កំណើនសេដ្ឋកិច្ចគឺជាសន្ទស្សន៍ចម្រុះ ការកំណត់ទិសដៅរំពឹងទុកប្រចាំឆ្នាំ ២០២១លើសពី ៦% គឺបានគិតពិចារណាពីសភាពការណ៍ស្តារដំណើរការនៃសេដ្ឋកិច្ចឡើងវិញ ដែលមានអំណោយផលដល់ការណែនាំវិស័យនានាឱ្យប្រមូលផ្តុំកម្លាំងជំរុញការច្នៃប្រឌិតថ្មីខាងកំណែទម្រង់ និងការអភិវឌ្ឍ ដោយគុណភាពខ្ពស់។ បំពេញការងារឆ្នាំនេះឱ្យបានល្អប្រសើរ ត្រូវគ្រោងផែនការឱ្យបានកាន់តែល្អនូវការបង្ការនិងគ្រប់គ្រងជំងឺឆ្លង ព្រមទាំងការអភិវឌ្ឍសេដ្ឋកិច្ចនិងសង្គម។ ឆ្នាំ២០២១នេះត្រូវបំពេញឱ្យបានល្អប្រសើរនូវការងារដូចខាងក្រោម៖
១ រក្សាចីរភាពនិងស្ថិរភាពនៃគោលនយោបាយម៉ាក្រូ ជំរុញឱ្យសេដ្ឋកិច្ចដំណើរការក្នុងរង្វង់សមហេតុផល។ គោលនយោបាយម៉ាក្រូត្រូវបន្តកាត់បន្ថយការលំបាកនៃតួអង្គ សេដ្ឋកិច្ចទីផ្សារ ហើយកែសម្រួលនិងធ្វើឱ្យប្រសើរឡើងតាមការប្រែប្រួលនៃស្ថានការណ៍ ដើម្បីពង្រឹងទំហំសេដ្ឋកិច្ចថែមទៀត។ ត្រូវលើកកម្ពស់គុណភាព ប្រសិទ្ធភាព និងចីរភាពនៃគោលនយោបាយហិរញ្ញវត្ថុវិជ្ជមាន ធ្វើឱ្យប្រសើរឡើងនិងអនុវត្តជាក់ស្តែងនូវគោលនយោបាយកាត់បន្ថយពន្ធដារ។ ចំណែកគោលនយោបាយរូបិយវត្ថុដ៏នឹងនរត្រូវធ្វើឱ្យចំគោលដៅ មានភាពរស់រវើកនិងសមហេតុផល។ ត្រូវបន្តពង្រឹងនិងបង្កើនប្រសិទ្ធភាពនៃគោលនយោបាយដែលចាត់ទុកឱកាសការងារជាអាទិភាព។
២ ជំរុញយ៉ាងស៊ីជម្រៅនូវកំណែទម្រង់វិស័យសំខាន់ៗ បំផុសកម្លាំងរស់រវើកនៃតួអង្គសេដ្ឋកិច្ចទីផ្សារ។ ស្របនឹងពេលអនុវត្តជាក់ស្តែងនូវគោលនយោបាយជួយកាត់បន្ថយការលំបាករបស់សហគ្រាស ត្រូវបង្កើនកម្លាំងជំរុញកំណែទម្រង់ពាក់ព័ន្ធ ដើម្បីឱ្យតួអង្គសេដ្ឋកិច្ចទីផ្សារកាន់តែមានកម្លាំងរស់រវើក និងកាន់តែមានកម្លាំងច្នៃប្រឌិតថ្មី។
ត្រូវផ្លាស់ប្តូរមុខងាររដ្ឋាភិបាលថែមទៀត ជំរុញការកាត់បន្ថយដើមទុននៃផលិតកម្មនិងការធ្វើអាជីវកម្មរបស់សហគ្រាសតាមរយៈកំណែទម្រង់ ជំរុញឱ្យសេដ្ឋកិច្ចគ្រប់កម្មសិទ្ធិអភិវឌ្ឍជាមួយគ្នា ធ្វើឱ្យស៊ីជម្រៅនូវកំណែទម្រង់ប្រព័ន្ធហិរញ្ញវត្ថុនិងសារពើពន្ធ។
៣ ជំរុញការអភិវឌ្ឍប្រកបដោយគុណភាពខ្ពស់នៃសេដ្ឋកិច្ចពិតដោយផ្អែកលើនការច្នៃប្រឌិតថ្មី ពូនជ្រំកម្លាំងចលករខ្លាំងថ្មី។ ជំរុញឱ្យនវានុវត្តន៍ខាងវិទ្យាសាស្រ្តនិងបច្ចេកវិទ្យារួមបញ្ចូនដោយស៊ីជម្រៅជាមួយសេដ្ឋកិច្ចពិត ជំរុញការអភិវឌ្ឍតាមរយៈនវានុវត្តន៍។
ត្រូវលើកកម្ពស់សមត្ថភាពច្នៃប្រឌិតថ្មីខាងវិទ្សាសាស្រ្តនិងបច្ចេកវិទ្យា ប្រើប្រាស់យន្តការទីផ្សារភាវូបនីយកម្មដើម្បីលើកទឹកចិត្តដល់ការច្នៃប្រឌិតថ្មីរបស់សហគ្រាស ធ្វើឱ្យប្រសើរឡើងនិងលំនឹងខ្សែសង្វាក់ឧស្សាហកម្មនិងខ្សែសង្វាក់ផ្គត់ផ្គង់។
៤ ប្រកាន់ខ្ជាប់នូវចំណុចយុទ្ធសាស្រ្តស្តីពីការពង្រីកតម្រូវការក្នុងស្រុក ប្រើប្រាស់សក្តានុពលនៃទីផ្សារក្នុងស្រុកដោយពេញលេញ។ ត្រួសត្រាយតម្រូវការដោយស្របតាមការកែលម្អជីវភាពរស់នៅរបស់ប្រជាជន ជំរុញឱ្យគួបផ្សំគ្នារវាងការប្រើប្រាស់និងការវិនិយោគ ដើម្បីសម្រេចតុល្យភាពកាន់តែខ្ពស់រវាងការផ្គត់ផ្គង់និងតម្រូវការ។
៥ អនុវត្តឱ្យបានគ្រប់ជ្រុងជ្រោយនូវយុទ្ធសាស្រ្តអភិវឌ្ឍន៍ជនបទ ជំរុញការអភិវឌ្ឍកសិកម្ម និងកំណើននៃចំណូលរបស់កសិករដោយនឹងនរ។ បន្តជំរុញការអភិវឌ្ឍនៃតំបន់ដែលទើបចេញផុតពីភាពក្រីក្រ ជំរុញផលិតកម្មកសិកម្ម កែលម្អលក្ខណសម្បត្តិផលិតកម្មនិងរស់នៅនៃតំបន់ជនបទ។
ត្រូវតភ្ជាប់ឱ្យបានល្អនូវការពង្រឹងនិងពង្រីកសមិទ្ធផលនៃការចេញផុតពីភាពក្រីក្រជាមួយនិងការអភិវឌ្ឍជនបទ លើកកម្ពស់សមត្ថភាពផ្គត់ផ្គង់និងធានាស្បៀងនិងកសិផលសំខាន់ៗ ជំរុញយ៉ាងប្រាកដប្រជានូវកំណែទម្រង់និងកិច្ចកសាងជនបទ ។
៦ អនុវត្តការបើកទូលាយចំពោះក្រៅប្រទេសក្នុងកម្រិតខ្ពស់ ជំរុញឱ្យពាណិជ្ជកម្មអន្តរជាតិនិងទុនបរទេសមានភាពនឹងនរ ក៏ដូចជាលើកកម្ពស់គុណភាពថែមទៀត។ អនុវត្តការបើកទូលាយដែលមានក្របខ័ណ្ឌកាន់តែធំ និងស្រទាប់កាន់តែស៊ីជម្រៅ ដើម្បីធ្វើកិច្ចសហប្រតិបត្តិការជាមួយសេដ្ឋកិច្ចអន្តរជាតិឱ្យបានកាន់តែល្អ៕