ទាក់ទិននឹងនិន្នាការវិវឌ្ឍដ៏អវិជ្ជមានដែលថ្នាក់ដឹកនាំជប៉ុនបានបំពេញទស្សនកិច្ចនៅសហរដ្ឋអាមេរិកដើម្បីស៊ុមគ្រលុំជាមួយអាមេរិកក្នុងន័យរួមគ្នាប្រឆាំងនឹងប្រទេសចិន លោកZhao Lijian អ្នកនាំពាក្យក្រសួងការបរទេសចិនបានថ្លែងក្នុងសន្និសីទកាសែតជាប្រចាំកាលពីថ្ងៃទី ១៦ ខែមេសាថា ប្រទេសចិនបានសម្តែងការយកចិត្តទុកដាក់យ៉ាងខ្លាំងក្លាចំពោះប្រទេសអាមេរិកនិងជប៉ុនជាស្រេចទៅហើយ ហើយនឹងប្រតិកម្មតបជាចាំបាច់តាមស្ថានភាពក្រោយ ។
លោកបានថ្លែងថា ជានិច្ចកាល ប្រទេសចិនបានប្រកាន់ខ្ជាប់នូវគោលជំហរច្បាស់លាស់ក្នុងបញ្ហាតំបន់តៃវ៉ាន់ ហុងកុង សមុទ្រចិនខាងត្បូង និងកោះDiaoyuជាដើម ។ យើងមានការប្តេជ្ញាចិត្តនិងឆន្ទៈដ៏មុតមាំដូចថ្មក្នុងការគាំពារអធិប្បតេយ្យភាព សន្តិសុខ និងផលប្រយោជន៍នៃការអភិវឌ្ឍរបស់ប្រទេសជាតិ ។ ប្រទេសជប៉ុននិងអាមេរិកត្រូវយកចិត្តទុកដាក់យ៉ាងម៉ឺងម៉ាត់ចំពោះការយកចិត្តទុកដាក់និងការទាមទាររបស់ប្រទេសចិន មិនត្រូវមានពាក្យសម្តីនិងទង្វើណាដែលបានជ្រៀតជ្រែកលើកិច្ចការផ្ទៃក្នុងរបស់ប្រទេសចិននិងបំផ្លិចបំផ្លាញផលប្រយោជន៍របស់ប្រទេសចិន ៕