កាលពីថ្ងៃទី១៧ខែមេសា អ្នកនាំពាក្យក្រសួងការបរទេសចិនបានឆ្លើយសំណួររបស់អ្នកសារព័ត៌មានស្តីពីអត្ថរសអវិជ្ជមានពាក់ព័ន្ធនឹងចិនក្នុងសេចក្តីថ្លែងការណ៍រួមរបស់ថ្នាក់ដឹកនាំអាមេរិកនិងជប៉ុន ។
អ្នកនាំពាក្យរូបនេះបានថ្លែងថា សេចក្តីថ្លែងការណ៍រួមរវាងអាមេរិកនិងជប៉ុនបានជ្រៀតជ្រែកកិច្ចការផ្ទៃក្នុងរបស់ប្រទេសចិនយ៉ាងកម្រោល រំលោភលើក្រមមូលដ្ឋានទំនាក់ទំនងអន្តរជាតិយ៉ាងធ្ងន់ធ្ងរ ។ ប្រទេសចិនមិនពេញចិត្តយ៉ាងខ្លាំងនិងប្រឆាំងយ៉ាងដាច់ខាតចំពោះករណីនេះ ហើយក៏បានបង្ហាញយ៉ាងច្បាស់លាស់នូវគោលជំហររបស់ខ្លួនចំពោះអាមេរិកនិងជប៉ុន។អ្នកនាំពាក្យរូបនេះបន្តថា អាមេរិកនិងជប៉ុនបាននិយាយបំផ្លើសសេរីភាពនិងការបើកទូលាយ ប៉ុន្តែតាមពិតទៅគឺបានកៀរគរបក្ខពួក ញុះញង់ឱ្យមានអរិភាព នេះជាទង្វើផ្ទុយពីនិន្នាការអភិវឌ្ឍនៃយុគសម័យ និងផ្ទុយពីបំណងប្រាថ្នាដូចគ្នារបស់ប្រទេសក្នុងតំបន់និងបណ្តាប្រទេសភាគច្រើនលើពិភពលោក ពោលគឺស្វែងរកសន្តិភាព ការអភិវឌ្ឍនិងកិច្ចសហប្រតិបត្តិការ ដែលការធ្វើបែបនេះនឹងឱ្យមនុស្សកាន់តែច្រើនបានមើលឃើញកាន់តែច្បាស់នូវធាតុពិតនិងឧបាយកលរបស់សម្ព័ន្ធមិត្តអាមេរិកនិងជប៉ុន ដែលបំផ្លាញសន្តិភាពនិងស្ថិរភាពក្នុងតំបន់។
