កាលពីថ្ងៃទី១៦ខែមេសាតាមម៉ោងក្នុងតំបន់ លោកស៊ីជីនភីង ប្រធានរដ្ឋចិនបានផ្ញើលិខិតជូនចំពោះលោកGuillermo Lassoដើម្បីអបអរសាទរលោកបានជាប់ឆ្នោតជាប្រធានាធិបតីសាធារណរដ្ឋអេក្វាឌ័រ។
ក្នុងលិខិតអបអរសាទរ លោកស៊ីជីនភីងបានគូសបញ្ជាក់ថា ប្រទេសចិននិងអេក្វាឌ័រជាដៃគូយុទ្ធសាស្រ្តគ្រប់ជ្រុងជ្រោយ ក្នុងរយៈពេល៤១ឆ្នាំនៃការបង្កើតទំនាក់ទំនងការទូតមក ទំនាក់ទំនងរវាងប្រទេសទាំងពីរមានការអភិវឌ្ឍន៍យ៉ាងស៊ីជម្រៅ ថ្នាក់ដឹកនាំនៃភាគីទាំងពីរមានការប្រាស្រ័យទាក់ទងគ្នាយ៉ាងដិតដល់ កិច្ចសហប្រតិបត្តិការជាក់ស្តែងបានទទួលលទ្ធផលជាផ្លែផ្កា ការផ្លាស់ប្តូរផ្នែកវប្បធម៌បង្ហាញពីភាពអស្ចារ្យ ខ្ញុំយកចិត្តទុកដាក់ខ្ពស់ដល់ការអភិវឌ្ឍទំនាក់ទំនងរវាងចិននិងអេក្វាឌ័រ ហើយរីករាយរួមជាមួយលោកGuillermo Lassoបង្កើនការផ្លាស់ប្តូរបទពិសោធន៍រវាងប្រទេសទាំងពីរក្នុងអភិបាលកិច្ចជាតិ ជំរុញឱ្យទំនាក់ទំនងរវាងចិននិងអេក្វាឌ័រទទួលបានការអភិវឌ្ឍន៍កាន់តែច្រើន ដើម្បីផ្តល់ផលប្រយោជន៍ដល់ប្រទេសទាំងពីរនិងប្រជាជននៃប្រទេសទាំងពីរ៕