ថ្ងៃទី ១២ ខែសីហា ការិយាល័យព័ត៌មាននៃក្រុមប្រឹក្សាកិច្ចការរដ្ឋចិនបានចេញផ្សាយសៀវភៅសក្រោមចំណងជើងថា«សម្រេចការកសាងដោយគ្រប់ជ្រុងជ្រោយនូវសង្គមដែលប្រជាជនមានជីវភាពធូរធារបង្គួរ៖ ភាពត្រចះត្រចង់នៃការអភិវឌ្ឍវិស័យសិទ្ធិមនុស្សរបស់ប្រទេសចិន»។
សៀភៅសបានចែងថា ការសម្រេចការកសាងដោយគ្រប់ជ្រុងជ្រោយនូវសង្គមដែលប្រជាជនមានជីវភាពធូរធារបង្គួរជាយុទ្ធសាស្រ្តអភិវឌ្ឍន៍ជាតិដ៏សំខាន់មួយរបស់បក្សកុម្មុយនិស្តចិននិងរដ្ឋាភិបាលចិនដើម្បីលើកកម្ពស់ការធានាសិទ្ធិប្រជាពលរដ្ឋ និងសម្រេចទំនើបកម្មប្រទេសជាតិ។ ប្រទេសចិនបានកសាងដោយគ្រប់ជ្រុងជ្រោយនូវសង្គមដែលប្រជាជនមានជីវភាពធូរធារបង្គួរ មានន័យថា សិទ្ធិមនុស្សទទួលបានការអភិវឌ្ឍដោយគ្រប់ជ្រុងជ្រោយ ប្រជាជនទាំងអស់បានចែករំលែកនូវសិទ្ធិមនុស្ស ដែលបានបង្កើតអច្ឆរិយរបស់មនុស្សជាតិស្តីពីការគោរពនិងធានាដល់សិទ្ធិមនុស្ស។
សៀវភៅសលើកឡើងថា ការសម្រេចការកសាងដោយគ្រប់ជ្រុងជ្រោយនូវសង្គមដែលប្រជាជនមានជីវភាពធូរធារបង្គួរបានត្រួសត្រាយកម្រិតអភិវឌ្ឍន៍ថ្មីក្នុងវិស័យសិទ្ធិមនុស្ស ដែលលុបបំបាត់ភាពក្រីក្រដាច់ខាតដើម្បីសម្រេចសិទ្ធិទទួលបានជីវភាពជាមូលដ្ឋាន ជំរុញសិទ្ធិសេដ្ឋកិច្ច សង្គមនិងវប្បធម៌តាមរយៈការអភិវឌ្ឍសិទ្ធិមនុស្ស អនុវត្តច្បាប់មានសុក្រឹតភាពនិងធ្វើអភិបាលកិច្ចល្អដើម្បីគាំទ្រសិទ្ធិប្រជាពលរដ្ឋនិងសិទ្ធិនយោបាយ ជំរុញសមភាពសង្គមដើម្បីធានាសិទ្ធិនិងផលប្រយោជន៍របស់ក្រុមមនុស្សពិសេស។
សៀវភៅសបន្តថា ចំនួនប្រជានជនចិនស្មើរនឹងជិត ១ ភាគ ៥នៃចំនួនប្រជាជននៅទូទាំងពិភពលោក។ ប្រទេសចិនសម្រេចការកសាងដោយគ្រប់ជ្រុងជ្រោយនូវសង្គមដែលប្រជាជនមានជីវភាពធូរធារបង្គួរ ជានិមិត្តសញ្ញាដ៏សំខាន់ក្នុងប្រវតិ្តសាស្ត្រអភិវឌ្ឍវិស័យសិទ្ធិមនុស្សលើពិភពលោក។ ក្នុងដំណើរកសាងដោយគ្រប់ជ្រុងជ្រោយនូវសង្គមដែលប្រជាជនមានជីវភាពធូរធារបង្គួរ វិធីសាស្ត្រនិងបទពិសោធន៍ដ៏ជោគជ័យដែលគោរពនិងធានាដល់សិទ្ធិមនុស្សបានរួមចំណែកជាតម្រិះប្រាជ្ញានិងផែនាករចិនសម្រាប់ការបង្កើនសុខុមាលកិច្ចរបស់មនុស្សជាតិ។
ជាចុងក្រោយ សៀវភៅសចែងថា បក្សកុម្មុយនិស្តចិននឹងបន្តដឹកនាំប្រជាជនទាំងអស់ធ្វើកិច្ចខិតខំប្រឹប្រែងដើម្បីទទួលបានជីវភាពកាន់តែមានសុភមង្គលនិងកម្រិតសិទ្ធិមនុស្សកាន់តែខ្ពស់។ ប្រទេសចិនមុខជានឹងរួមចំណែកកាន់តែធំសម្រាប់ការអភិវឌ្ឍវិស័យសិទ្ធិមនុស្សលើពិភពលោកជាមិនខាន៕