យប់ថ្ងៃទី ៣១ ខែសីហា រាត្រីសមោសរសិល្បៈវប្បធម៌ជនជាតិភាគតិចទូទាំងប្រទេសចិនលើកទី ៦ បានបើកធ្វើយ៉ាងឱឡារិកនៅវិមានសភាប្រជាជនទីក្រុងប៉េកាំង។ មេដឹកនាំបក្សកុម្មុយនិស្តចិននិងប្រទេសចិនដូចជាលោក Xi Jinping និងលោក Li Keqiang ជាដើម រួមជាមួយមហាជនចំនួនប្រហែល ៣០០០ នាក់ទស្សនារាត្រីសមោសរនេះ។
រាត្រីសមោសរនេះឈ្មោះ«សាមគ្គីគ្នាខិតខំតស៊ូដើម្បីឈានទៅកាន់ដំណាក់កាលថ្មី »។ កម្មវិធីនេះបានបង្ហាញពីលក្ខណៈពិសេសនៃជនជាតិនានា ក៏ដូចជាបេតិកភណ្ឌវប្បធម៌អរូបីតាមទម្រង់ជាច្រើន ។ រាត្រីសមោសរចាប់ផ្តើមក្រោមកម្មវិធីរាំច្រៀង «គ្រប់ជនជាតិតភ្ជាប់ដួងចិត្តជាមួយបក្ស» ដើម្បីជូនពរដ៏ល្អបវរចំពោះខួប១០០ឆ្នាំនៃការបង្កើតបក្សកុម្មុយនិស្តចិន។ កម្មវិធីអានកំណាព្យ «សរសៃឈាមតភ្ជាប់គ្នា» របាំ«ពន្លឺកក់ក្តៅចាំងបំភ្លឺតំបន់ទឹកកក» បទចម្រៀង«ជីវភាពតាមអនឡាញក្នុងភូមិ» របាំ«នេះជាស្រុកកំណើតស្អាតត្រកាលរបស់យើង» និងកម្មវិធីច្រើនទៀត បានបង្ហាញនូវវប្បធម៌ចម្រុះពណ៌នៃប្រជាជាតិចិន និងទឹកចិត្តដ៏រឹងមាំមិនងាករេរបស់ប្រជាជនចិនគ្រប់ជនជាតិដែលសាមគ្គីគ្នា ខិតខំតស៊ូក្រោមការដឹកនាំនៃបក្សកុម្មុយនិស្តចិន។ អំឡុងពេលសំដែងមានស្នូរទះដៃយ៉ាងកក់ក្តៅជាច្រើនលើក។
សូមបញ្ជាក់ថា សកម្មភាពសំដែងសិល្បៈលើកនេះធ្វើពីថ្ងៃទី៣១ ខែសីហា ដល់ថ្ងៃទី ២៤ ខែកញ្ញា កម្មវិធីវប្បធម៌ចំនួន ៤២ ដែលជ្រើសរើសពីទូទាំងប្រទេសចិននឹងចាក់បញ្ចាំងតាមគេហទំព័រCCTV.COM៕
