បច្ចុប្បន្ននេះ វីរុសបំប្លែងថ្មីអូមីក្រុងនៃជំងឺកូវីដ១៩កំពុងរាលដាលយ៉ាងលឿនក្នុងសកលលោកប្រទេសជាច្រើនជួបនឹងស្ថានភាពតានតឹង។ តើត្រូវយកឈ្នះជំងឺឆ្លងដោយរបៀបណា?ថ្ងៃទី ១៧ ខែមករាពេលអញ្ជើញចូលរួមកិច្ចប្រជុំប្រចាំឆ្នាំ ២០២២ នៃវេទិកាសេដ្ឋកិច្ចពិភពលោកតាមប្រព័ន្ធវីដេអូ លោក Xi Jinpingប្រធានរដ្ឋចិនបានធ្វើការប្រៀបធៀបអំពី ស្ថានភាពជំងឺរាតត្បាតសកលដែលយើងកំពុងប្រឈមមុខថា ： ក្នុងព្យុះភ្លៀងនៃវិបត្តិសកល ប្រទេសនានាមិនមែនជិះទូកតូចៗចំនួនជាង១៩០ដោយឡែកពីគ្នានោះទេ តែគឺនៅលើនាវាយក្សដែលរួមជោគវាសនាតែមួយ។ កូនទូកឆ្លងកាត់ព្យុះរលកមិនបានទេ មានតែនាវាយក្សទើបទប់ទល់នឹងការវាយប្រហារពីព្យុះភ្លៀងដ៏កាចសាហាវបាន។ លោកបានបញ្ជាក់ថាការពង្រឹងជំនឿចិត្តរួមគ្នាឆ្លងផុតវិបត្តិជាមាគ៌ាដ៏ត្រឹមត្រូវតែមួយគត់ដែលអាចយកឈ្នះជំងឺឆ្លង។លោកបានអំពាវនាវអោយបង្កើនកិច្ចសហប្រតិបត្តិការអន្តរជាតិពួតដៃគ្នាបង្ការនិងប្រយុទ្ធប្រឆាំងជំងឺឆ្លងជាពិសេសគឺប្រើប្រាស់វ៉ាក់សាំងអោយបានល្អនិងធានាដល់ការចែកចាយវ៉ាក់សាំងដោយយុត្តិធម៌។
គិតត្រឹមបច្ចុប្បន្ននេះប្រទេសចិនបានផ្តល់វ៉ាក់សាំងការពារជំងឺកូវីដ១៩ចំនួនជាង២០០០លានដូសជូនចំពោះប្រទេសនិងអង្គការអន្តរជាតិជាង១២០។ថ្លែងក្នុងវេទិកាសេដ្ឋកិច្ចពិភពលោកប្រចាំឆ្នាំ២០២២លោកXiJinpingបានសន្យាយ៉ាងម៉ឺងម៉ាត់ថាប្រទេសចិននឹងបន្តផ្តល់វ៉ាក់សាំងចំនួន១០០០លានដូសជូនចំពោះប្រទេសអាហ្វ្រិកក្នុងនោះចំនួន៦០០លានដូសជាជំនួយឥតសំណងព្រមជាមួយគ្នានេះចិននឹងផ្តលជំនួយ់វ៉ាក់សាំងចំនួន១៥០លានដូសដោយឥតគិតថ្លៃបន្ថែមទៀតដល់បណ្តាប្រទេសអាស៊ាន៕
