ថ្មីៗកន្លងទៅនេះ ពេលផ្តល់បទសម្ភាសន៍ជាមួយអ្នកសារព័ត៌មានស៊ីនហួចិន លោក Spyros Capralos ប្រធានគណៈកម្មាធិការកីឡាអូឡាំពិកនៃប្រទេសក្រិកបានកោតសរសើរចំពោះវិធានការបង្ការនិងគ្រប់គ្រងជំងឺCOVID-19របស់គណៈកម្មធិការអូឡាំពិករដូវរងាក្រុងប៉េកាំងដែលធ្វើឡើងដើម្បីធានាឱ្យការប្រកួតកីឡាអូឡាំពិករដូវរងាក្រុងប៉េកាំងប្រព្រឹត្តិទៅដោយរលូន ជឿជាក់ថា ប្រទេសចិនអាចរៀបចំការប្រកួតកីឡាអូឡាំពិករដូវរងាដោយជោគជ័យ ។
លោក Spyros Capralos បានថ្លែងថា ប្រទេសចិនបានបង្ហាញពីពាក្យសន្យារបស់ខ្លួនចំពោះឧត្តមគតិអូឡាំពិក ។ ក្រុងប៉េកាំងជាទីក្រុងទី ១ លើកលោកដែលបានរៀបចំការប្រកួតកីឡាអូឡាំពិកទាំងរដូវក្តៅនិងរដូវរងា ការប្រកួតកីឡាអូឡាំពិករដូវរងាក្រុងប៉េកាំងនឹងក្លាយជាការប្រកួតកីឡាអូឡាំពិកបែបបៃតងបំផុតក្នុងប្រវត្តិសាស្ត្រ ។ ការប្រកួតកីឡាអូឡាំពិកនឹងបង្រៀនយើងម្តងទៀតនូវគុណតម្លៃអូឡាំពិកដែលប្រកបដោយសាមគ្គីភាព ការគោរពនិងមិត្តភាព ជាពេសេសគឺក្នុងខណៈពេលដែលយើងកំពុងប្រឈមមុខនឹងស្ថានភាពដ៏លំបាកនាបច្ចុប្បន្ននេះ ចំណុចនេះគឺរឹតតែសំខាន់ទៅទៀត ៕