ថ្ងៃទី ១៩ ខែមករា លោក Zhao Lijian អ្នកនាំពាក្យក្រសួងការបរទេសចិនបានថ្លែងក្នុងសន្និសីទសារព័ត៌មានជាប្រចាំថា ថ្មីៗកន្លងទៅនេះ សំឡេងនៃសហគមន៍អន្តរជាតិដែលគាំទ្រយ៉ាងមុតមាំចំពោះការរៀបចំព្រឹត្តិការណ៍កីឡាអូឡាំពិករដូវរងាក្រុងប៉េកាំងប្រកបដោយសុវត្ថិភាពនិងមានភាពរលូនតាមពេលកំណត់គឺមានកាន់តែច្រើនឡើងៗ ។ ទន្ទឹមនឹងនេះ សំឡេងដែលប្រឆាំងនឹងការធ្វើនយោបាយធូបនីយកម្មកីឡាក៏កាន់តែច្រើនឡើងនិងខ្លាំងឡើផងដែរ ។
អ្នកនយោបាយសំខាន់ៗ អត្តពលិកនិងឥស្សរជនមកពីគ្រប់មជ្ឈដ្ឋាននៃប្រទេសជាច្រើននិងអង្គការអន្តរជាតិដូចជាគណៈកម្មាធិការកីឡាអូឡាំពិកអន្តរជាតិជាដើមសុទ្ធតែនាំគ្នាសម្តែងការគាំទ្រនិងការរំពឹងទុកចំពោះព្រឹត្តិការណ៍កីឡាអូឡាំពិករដូវរងាក្រុងប៉េកាំង ។
អង្គការសហប្រជាជាតិបានដាក់លក់តែមម្រែសណីសម្រាប់ការប្រកួតកីឡាអូឡាំពិកជាលើកដំបូង ដើម្បីអបអរសាទរចំពោះការរៀបចំព្រឹត្តិការណ៍កីឡាអូឡាំពិករដូវរងាក្រុងប៉េកាំងដែលជិតនឹងបើកធ្វើ លោក Bach ប្រធានគណៈកម្មាធិការកីឡាអូឡាំពិកអន្តរជាតិបានសម្តែងការគាំទ្រយ៉ាងមុតមាំជាច្រើនដងចំពោះការរៀបចំព្រឹត្តិការណ៍កីឡាអូឡាំពិករដូវរងាក្រុងប៉េកាំងតាមពេលកំណត់ ។ អង្គការសុខភាពពិភពលោកក៏បានលើកឡើងជាច្រើនដងថា វិធានការបង្ការនិងគ្រប់គ្រងជំងឺCOVID-19 នៃការប្រកួតកីឡាអូឡាំពិករដូវរងាក្រុងប៉េកាំងមានអាចទប់ទល់នឹងបញ្ហាប្រឈមមុខខាងជំងឺឆ្លងបាន ហើយដោយសារភាគីចិនមានវិធានការបង្ការនិងគ្រប់គ្រងជំងឺឆ្លងយ៉ាងតឹងរ៉ឹង អង្គការសុខភាពពិភពលោកបានបង្ហាញពីជំនឿចិត្តលើប្រទេសចិនថា ពិតជាអាចរៀបចំព្រឹត្តិការណ៍កីឡាអូឡាំពិករដូវរងាក្រុងប៉េកាំងប្រកបដោយសុវត្ថិភាព ។
លោក Zhao Lijian បានថ្លែងទៀតថា គណៈកម្មាធិការកីឡាអូឡាំពិកនៃប្រទេសកាណាដា ដាណឺម៉ាក់និងស៊ីសបានសម្តែងការរំពឹងទុកចំពោះការប្រកួតកីឡាអូឡាំពិករដូវរងាក្រុងប៉េកាំង ។ រដ្ឋាភិបាលនិងមន្ត្រីគណៈកម្មាធិការអូឡាំពិកនៃប្រទេសបែលហ្ស៊ិក ន័រវែស ឆេក ស្លូវ៉ាគី ស្លូវេនី ហ្វីលីពីននិងប្រទេសផ្សេងទៀតបានបង្ហញពីជំនឿចិត្តយ៉ាងពេញលេញចំពោះការរៀបចំនិងវិធានការបង្ការនិងគ្រប់គ្រងជំងឺឆ្លងរបស់ប្រទេសចិន ។ លើសពីនេះ លោក Arif Alvi ប្រធានាធិបតីប៉ាគីស្ថាន លោក Miloš Zeman ប្រធានាធិបតីឆេកនិងរដ្ឋមន្ត្រីការបរទេសអេស្តូនីសុទ្ធតែប្រកាន់អាកប្បកិរិយាប្រឆាំងនឹងការធ្វើនយោបាយធូបនីយកម្មកីឡា ៕