ថ្ងៃទី ១៩ ខែមករា លោក Zhao Lijian អ្នកនាំពាក្យនៃក្រក្រសួងការវបរទសចិនបានថ្លែងថា ប្រឈមមុខនឹងស្ថានការណ៍ស្មុគ្រស្មាញនៃការប្រយុទ្ធប្រឆាំងនឹងជំងឺកូវីដ ១៩ ការពង្រឹងជំនឿចិត្តយ៉ាងមុតមាំ រួមសុខរួមទុក្ខ ទើបជាផ្លូវត្រឹមត្រូវតែមួយគត់សម្រាប់យកឈ្នះលើជំងឺឆ្លង។
តាមការផ្សាយដំណឹងបានឱ្យដឹងថា លោកGuterres អគ្គលេខាធិការអង្គការសហប្រជាជាតិបានលើកឡើងក្នុងសុន្ទរកថាតាមប្រព័ន្ធវីដេអូក្នុងវេទិកាសេដ្ឋកិច្ចពិភពលោកឆ្នាំ ២០២២ ថា អង្គការសុខភាពពិភពលោកបានប្រកាសពីគោលដៅដែលថា នៅមុនដំណាច់ឆ្នាំ ២០២១ ប្រជាជន ៤០% នៅលើពិភពលោកសម្រេចការចាក់វ៉ាក់សាំងជំងឺកូវីដ ១៩ ហើយសម្រេចបាន ៧០%នៅពាក់កណ្តាលឆ្នាំ ២០២២ បច្ចុប្បន្ននេះ អត្រាចាក់វ៉ាក់សាំងនៅឃ្លាតពីគោលដៅនេះនៅតែឆ្ងាយណាស់ ជាពិសេសរឿងគួរអោយអាម៉ាស់គឺ អត្រាទទួលការចាក់វ៉ាក់សាំងនៃប្រទេសចំណូលខ្ពស់គឺខ្ពស់ជាងប្រទេសអាហ្វ្រិកដល់ទៅ ៧ ដង ។ លោកបានអំពាវនាវម្តងទៀតឱ្យសម្រេចការចែកចាយវ៉ាក់សាំងដោយយុត្តិធម៌។
លោក Zhao Lijian បានថ្លែងថា ភាគីចិនបានលើកឡើងគំនិតផ្តួចផ្តើមស្តីពីសកម្មភាពសហប្រតិបត្តិការខាងវ៉ាក់សាំងជាសកល ហើយឈរនៅជួរទីមួយនៃកិច្ចសហប្រតិបត្តិការអន្តរជាតិក្នុងការប្រយុទ្ធប្រឆាំងនឹងជំងឺឆ្លង ក៏ដូចជារ៉ាប់រងភារកិច្ចជាអ្នកចែកចាយវ៉ាក់សាំងដោយយុត្តិធម៌មុនគេផងដែរ។
លោក Zhao Lijian រំពឹងថា ប្រទេសពាក់ព័ន្ធនិងអង្គការអន្តរជាតិរួមជាមួយភាគីចិន នឹងបំពេញបន្ថែមគម្លាតធំនៃភាពស៊ាំនៅលើពិភពលោក ដើម្បីរួមចំណែកយ៉ាងប្រាកដប្រជាដល់ការយកឈ្នះលើជំងឺឆ្លងរបស់មនុស្សជាតិក្នុងពេលឆាប់ៗ៕