យប់ថ្ងៃទី១៩ ខែមករា គណៈកម្មាធិការអូឡាំពិកអន្តរជាតិបានបើកធ្វើសន្និសីទសារព័ត៌មានតាមអនឡាញ លោកYiannisExarchosប្រធានប្រតិបត្តិការនៃក្រុមហ៊ុនសេវាផ្សាយបន្តផ្ទាល់កីឡាអូឡាំពិកដែលបានធ្វើដំណើរមកដល់ទីក្រុងប៉េកាំងបានថ្លែងថា ពិធីបើកនៃការប្រកួតកីឡាអូឡាំពិករដូវរងាក្រុងប៉េកាំងខុសគ្នាទាំងស្រុងពីការប្រកួតកីឡាអូឡាំពិករដូវក្តៅក្រុងប៉េកាំងឆ្នាំ២០០៨ ប៉ុន្តែសុទ្ធតែធ្វើឱ្យគេមានចំណាប់អារម្មណ៍យ៉ាងជ្រាលជ្រៅ។
បច្ចុប្បន្ន មានពាណិជ្ជករផ្សាយបន្តផ្ទាល់និងអ្នកសារព័ត៌មានជាង២០០០បានមកដល់ទីក្រុងប៉េកាំងហើយ។លោកYiannisExarchosបានថ្លែងថា ការរចនានៃកីឡដ្ឋានរៀបចំការប្រកួតកីឡាអូឡាំពិករដូវរងាក្រុងប៉េកាំងគឺល្អបំផុតនៅក្នុងចំណោមការប្រកួតកីឡាអូឡាំពិករដូវរងាកន្លងមក។
ក្នុងបរិបទមានការរីករាលដាលនៃជំងឺកូវីដ១៩ ការប្រកួតកីឡាអូឡាំពិករដូវរងាក្រុងប៉េកាំងនឹងធ្វើការគ្រប់គ្រងបែបបិទជិត។អ្នកទទួលខុសត្រូវផ្នែកការដំណើរការប្រព័ន្ធសារព័ត៌មាននៃគណៈកម្មាធិការអូឡាំពិកអន្តរជាតិបានថ្លែងថា គមនាគមន៍ក្រោមការគ្រប់គ្រងបែបបិទជិតគឺមានភាពងាយស្រួលនិងមានប្រសិទ្ធភាពខ្ពស់ បរិយាកាសអូឡាំពិកល្អប្រសើរ មនុស្សម្នាក់មានភាពរាក់ទាក់កក់ក្តៅ។លោកYiannisExarchosបានថ្លែងទៀតថា យើងកំពុងស្ថិតនៅក្នុងប្រទេសដ៏មានសុវត្ថិភាពមួយ ហើយការគ្រប់គ្រងបែបបិទជិតធ្វើឱ្យទីនេះកាន់តែមានសុវត្ថិភាព៕
