ទាក់ទិននឹងការផ្សាយដំណឹងដែលថាលោក Andrzej Duda ប្រធានាធិបតីប៉ូឡូញនឹងចូលរួមពិធីសម្ពោធបើកការប្រកួតកីឡាអូឡាំពិករដូវរងាក្រុងប៉េកាំង លោក Zhao Lijian អ្នកនាំពាក្យនៃក្រក្រសួងការវបរទសចិនបានថ្លែងកាលពីថ្ងៃទី ១៩ ខែមករាថា ភាគីចិនសូមស្វាគមន៍យ៉ាងកក់ក្តៅចំពោះលោក Andrzej Duda ប្រធានាធិបតីប៉ូឡូញដែលនឹងអញ្ជើញចូលរួមពិធីសម្ពោធបើកការប្រកួតកីឡាអូឡាំពិករដូវរងាក្រុងប៉េកាំង រឿងនេះបង្ហាញយ៉ាងពេញលេញនូវក្តីបំណងរួមរបស់សហគមន៍អន្តរជាតិដែលឆ្ពោះទៅកាន់អនាគតជាមួយគ្នា។
លោក Zhao Lijian បានលើកឡើងបែបនេះនៅពេលឆ្លើយសំណួរពាក់ព័ន្ធរបស់អ្នកសារព័ត៌មានក្នុងសន្និសីទកាសែតជាប្រចាំនាថ្ងៃដដែល។ លោកបានថ្លែងបន្តថា ការប្រកួតកីឡាអូឡាំពិករដូវរងាក្រុងប៉េកាំងជិតនឹងបើកធ្វើហើយ ចិនមានជំនឿចិត្តរួមជាមួយភាគីនានាប្រតិបត្តិតាមស្មារតីអូឡាំពិកដែលកាន់តែសាមគ្គីគ្នា ដើម្បីបង្ហាញពីព្រឹត្តិការណីកីឡាអូឡាំពិករដូវរងាបែបសន្សំសំចៃ សុវត្ថិភាពនិងអស្ចារ្យមួយលើកជូនពិភពលោក។
លោក Zhao Lijian បន្តថា យោងតាមការកំណត់នៃការប្រកួតកីឡាអូឡាំពិក មេដឹកនាំនៃប្រទេសនានានឹងចូលរួមពិធីសម្ពោធការប្រកួតកីឡាអូឡាំពិកតាមការអញ្ជើញរបស់គណៈកម្មាធិការកីឡាអូឡាំពិកនៃប្រទេសខ្លួន និងចុះបញ្ជីក្នុងប្រព័ន្ធគណៈកម្មាធិការកីឡាអូឡាំពិកអន្តរជាតិ។ បច្ចុប្បន្នមានប្រមុខរដ្ឋនិងរដ្ឋាភិបាល សមាជិកព្រះរាជវង្សានុវង្សចំជាច្រើនបានចុះបញ្ជីចូលរួមពិធីបើកការប្រកួតកីឡាអូឡាំពិករដូវរងាក្រុងប៉េកាំង ប្រទេសចិនសូមសម្តែងការស្វាគមន៍យ៉ាងកក់ក្តៅ៕