ថ្ងៃទី២១ខែតុលា លោកJazayeriអ្នកនាំពាក្យនៃកងកម្លាំងប្រដាប់អាវុធអ៊ីរ៉ង់បានថ្លែងថា ទោះបីជាប្រទេសប៉ែកខាងលិចបានគំរាមកំហែងដល់ប្រទេសអ៊ីរ៉ង់ជាបន្តបន្ទាប់ក៏ដោយ ក៏ប៉ុន្តែសមត្ថភាពការពារជាតិរបស់អ៊ីរ៉ង់មិនអាចធ្វើការចរចាបានទេ សមត្ថភាពការពារជាតិជាបន្ទាត់ក្រហមនៃសាធារណរដ្ឋអ៊ីស្លាមអ៊ីរ៉ង់។
ពេលថ្លែងដល់ទីប្រឹក្សាយោធារបស់អ៊ីរ៉ង់នៅប្រទេសអ៊ីរ៉ាក់និងស៊ីរី អ្នកនាំពាក្យនៃកងកម្លាំងប្រដាប់អាវុធអ៊ីរ៉ង់រូបនេះបានមានប្រសាសន៍ថា ទីប្រឹក្សាយោធាអ៊ីរ៉ង់អញ្ជើញទៅកាន់ប្រទេសមួយចំនួនក្នុងតំបន់គឺទទួលបានសេចក្តីអញ្ជើញជាផ្លូវការរបស់រដ្ឋាភិបាលប្រទេសទាំងនេះ គឺស្របច្បាប់ទាំងស្រុង ឲ្យតែប្រទេសទាំងនេះចេញសេចក្តីអញ្ជើញ អ៊ីរ៉ង់នឹងផ្តល់ការជួយឧបត្ថម្ភដោយគ្មានការស្ទាក់ស្ទើរ៕
