ថ្ងៃទី ២១ ខែតុលា សនិ្នសីទរដ្ឋមន្ត្រីក្រសួងហិរញ្ញវត្ថុនៃអង្គការសហប្រតិបត្តិការសេដ្ឋកិច្ចអាស៊ីប៉ាស៊ីហ្វីកលើកទី ២៤ បានបិទសម័យប្រជុំនៅប្រទេសវៀតណាម ។ ក្នុងសនិ្នសីទលើកនេះ តំណាងនៃប្រទេសចិនបានគូសបញ្ជាក់ថា ត្រូវប្រកាន់ខ្ជាប់ពហុភាគីនិយម ប្រកាន់ខ្ជាប់យ៉ាងម៉ឺងម៉ាត់នូវប្រព័ន្ធពាណិជ្ជកម្មពហុភាគីដែលចាត់ទុកពាណិជ្ជកម្មសេរីជាមូលដ្ឋាន ។
សនិ្នសីទរដ្ឋមន្ត្រីក្រសួងហិរញ្ញវត្ថុលើកនេះនិងសនិ្នសីទពាក់ព័ន្ធបានចាប់ផ្តើមធ្វើពីថ្ងៃទី ១៩ ខែតុលា ។ សនិ្នសីទរដ្ឋមន្ត្រីក្រសួងហិរញ្ញវត្ថុដែលធ្វើឡើងនៅថ្ងៃទី ២១ ខែតុលា សំខាន់បានពិគ្រោះពិភាក្សាពីបញ្ហា ដូចជាស្ថានការសេដ្ឋកិច្ចនិងហិរញ្ញវត្ថុពិភពលោកទាំងមូលនិងក្នុងតំបន់ ការវិនិយោគយូរអង្វែងលើហេដ្ឋារចនាសម័្ពន្ធ ការបង្រួញតូចនៃពន្ធដារ ការផ្ទេរប្រាក់កម្រៃ ការរួមបញ្ចូលទុននិងការធានារ៉ាប់រង់លើវិស័យគ្រោះមហន្តរាយ ការផ្តល់ការអនុគ្រោះដល់ហិរញ្ញវត្ថុ ការអនុវត្ត《ផែនការប្រតិបតិ្តក្រុង Cebu》ជាដើម សនិ្នសីទនៅបានដាក់ចេញសេចក្តីថ្លែងការណ៍រួមផងដែរ ៕
