អំឡុងពេលសមាជិកគណៈអចិន្រៃ្តយ៍នៃការិយាល័យនយោបាយមជ្ឈិមបក្សកុម្មុយនិស្តចិនអាណត្តិទី១៩បើកធ្វើសន្និសីទសារព័ត៌មានជាតិនិងអន្តរជាតិ លោកស៊ីជីនភីងគូសបញ្ជាក់ថា ក្នុងយុគសម័យថ្មីត្រូវតែមានមុខមាត់ថ្មីសន្លាង ហើយកាន់តែត្រូវមានសមិទ្ធផលថ្មីថែមទៀត

នៅវេលាថៃ្ងត្រង់ថៃ្ងទី២៥ ខែតុលា លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងសមាជិកគណៈអចិន្ត្រៃយ៍នៃការិយាល័យនយោបាយមជ្ឈិមបក្សកុម្មុយនិស្តចិនអាណត្តិថ្មី រួមមាន លោកលីខឺឈាង លោកលីចាន់ស៊ូ លោកវ៉ាងយ៉ាងលោកវ៉ាងហ៊ូនីង លោកចៅឡឺជីនិងលោកហានចឹងដែលបានត្រូវជ្រើសតាំងនៅសន្និសីទពេញអង្គលើកទី១នៃគណៈកម្មាធិការមជ្ឈិមបក្សកុម្មុយនិស្តចិន អាណត្តិទី១៩បានបើកធ្វើសន្និសីទសារព័ត៌មានជាតិនិងអន្តរជាតិ ហើយបានថែ្លងទៅកាន់ប្រព័ន្ធសារព័ត៌មាននៅវិមានសភាប្រជាជនចិន។

លោកស៊ីជីនភីងតាងនាមក្រុមថ្នាក់ដឹកនាំនៃគណៈកម្មាធិការមជ្ឈិមបក្សកុម្មុយនិស្តចិនអាណត្តិថី្ម បានថែ្លងអំណរគុណយ៉ាងស្មោះចំពោះសមាជិកបក្សគ្រប់រូបដែលបានផ្តល់ទំនុកចិត្តដល់យើងខ្ញុំ ហើយបានថែ្លងថា នឹងខំព្យាយាមឲ្យអស់ពីសមត្ថភាពដើម្បីបំពេញភារកិច្ចស្របតាមតួនាទីរបស់ខ្លួនឲ្យបានល្អប្រសើរ មិនធ្វើឲ្យបក្សនិងប្រជាជនអស់សង្ឃឹមឡើយ ។