”ជនជាតិដែលមានក្តីសង្ឃឹមនោះមិនអាចគ្មានវីរបុរសទេ ប្រទេសជាតិដែលមានអនាគតនោះមិនអាចគ្មានអ្នកត្រួសត្រាយទេ។”រាល់ពេលដែលនិយាយដល់វីរបុរសជាតិនិងវីរបុរសជនជាតិដែលបានពលីជីវិត លោកស៊ីជីនភីងមេដឹកនាំខ្ពស់កំពូលនៃប្រទេសចិនសុទ្ធតែមិនអាចលាក់បាំងនូវមនោសញ្ចេតនារបស់ខ្លួន។ក្នុងឱកាសធិធីបុណ្យឆេងម៉េងនេះ សូមឲ្យយើងរំលឹកម្តងទៀតនូវពាក្យសម្តីរបស់អគ្គលេខាធិការម្តងទៀត រួមគ្នាចងចាំប្រវត្តិសាស្រ្ត រំលឹកវីរបុរសដែលបានពលីជីវិត។
កាលពីថ្ងៃទី៧ខែកក្កដាឆ្នាំ២០១៤ ក្នុងសារមន្ទីររំលឹកសង្រ្គាមប្រឆាំងជប៉ុនរបស់ប្រជាជនចិន ថ្នាក់ដឹកនាំនៃបក្សនិងជាតិមានលោកស៊ីជីនភីងជាដើមនិងតំណាងគ្រប់មជ្ឈដ្ឋានចំនួនជាង១ពាន់នាក់បានរួមគ្នារំលឹកខួបទី៧៧នៃការផ្ទុះសង្រ្គាមប្រឆាំងជប៉ុនរបស់ប្រជាជនចិន។នេះជាលើកទី១ដែលថ្នាក់ដឹកនាំជាន់ខ្ពស់បំផុតនៃប្រទេសចិនចូលរួមពិធីរំលឹកថ្នាក់រដ្ឋាភិបាលនៅថ្ងៃទី៧ខែកក្កដា ការចូលរួមរបស់ថ្នាក់ដឹកនាំជាន់ខ្ពស់បំផុតនេះគឺកម្រមានណាស់។
កាលពីថ្ងៃទី២ខែកញ្ញាឆ្នាំ២០១៥ ពាក្យសម្តីរបស់លោកស៊ីជីនភីងដែលបានថ្លែងក្នុងពិធីបំពាក់មេដាយរំលឹកខួបទី៧០នៃការទទួលជ័យជម្នះនៃសង្រ្គាមប្រឆាំងជប៉ុនរបស់ប្រជាជនចិនពិតជាបំផុសគំនិតតស៊ូរបស់យើង ពាក្យសម្តីដូចខាងក្រោមនេះ៖
"ពេលបច្ចុប្បន្ននេះ ប្រទេសចិនកំពុងមានការប្រែប្រួលយ៉ាងខ្លាំងជារៀងរាល់ថ្ងៃ យើងខ្ញុំកាន់តែខិតជិតនឹងការសម្រេចគោលដៅជនជាតិចិនដ៏មហាអស្ចារ្យស្តារឡើងវិញបើប្រៀបធៀបនឹងដំណាក់កាលណាទាំងអស់ក្នុងប្រវត្តិសាស្រ្ត។ការសម្រេចបាននូវគោលដៅរបស់យើង ត្រូវការវីរបុរស ក៏ត្រូវការស្មារតីវីរបុរសដែរ។យើងត្រូវតែចងចាំវីរបុរសទាំងអស់ដែលបានរួមវិភាគទានដល់ជនជាតិចិននិងប្រជាជនចិន។ធ្វើកិច្ចខិតខំតស៊ូដើម្បីសម្រេចគោលដៅសតវត្សចំនួនពីរនិងសម្រេចសុបិនចិនដែលជនជាតិចិនដ៏មហាអស្ចារ្យស្តារឡើងវិញ។"