Laŭ raporto de la ĉina ĵurnalo Renmin Ribao, de la 28-a de aprilo ĝis la 4-a de majo ĉijare, la 3-a Ĉina Internacia Festivalo de Karikaturaj Artaĵoj okazos en la urbo Hangzhou de la provinco Zhejiang, orienta Ĉinio.
La festivalo konsistos el kvar kategorioj, nome ekspozicio, forumo, konkurso kaj aktivado. En la ekspozicia kategorio oni okazigos foiron de ĉina internacia karikatur-arta industrio; en la foruma kategorio okazos pinta forumo pri ĉina internacia karikatur-arta industrio, pinta konfrenco de organizaj komitatoj de ĉina kaj alilandaj festivaloj de karikaturaj festivaloj; en la konkursa kategorio okazos konkurso kun premio "Bela Simio" kaj ankaŭ konkurso de karikaturaj pentraĵoj de tutlandaj geknaboj kaj infanoj; en la aktivada kategorio estos la inaŭguro de la menciita festivalo ktp.
|