Virtuala kunveno inter Ĉinio kaj Usono: detalaj kaj profundaj interparoloj faritaj pri tajvana demando, komerco kaj klimata ŝanĝiĝo

Ĉinio kaj Usono konsentis plu konservi proksiman kontakton per diversaj rimedoj kaj revenigi la dulandajn rilatojn al la ĝusta vojo de solida kaj stabila disvolviĝo en virtuala renkontiĝo inter la du ŝtatestroj marde.

La renkontiĝo inter ĉina prezidanto Xi Jinping kaj usona prezidento Joe Biden estis "sincera, konstruiva, substantiva kaj produktiva", kaj gravaj zorgataj temoj inkluzive de la tajvana demando, komerco kaj klimata ŝanĝiĝo superis la tagordon.

La tre atendita virtuala renkontiĝo venis post jaro da altiĝoj en duflankaj rilatoj.

Principoj de duflankaj rilatoj en la nova epoko

Xi diris al Biden, ke reciproka respekto, paca kunvivado kaj kungajna kunlaboro estas tri principoj en disvolviĝo de ĉina-usonaj rilatoj en la nova epoko. Substrekante la signifon de solida kaj stabilaj rilatoj, li esprimis pretecon labori kun Biden por konstrui konsenton kaj alpreni aktivajn agojn por antaŭenigi duflankajn rilatojn en pozitivan direkton.

Li ankaŭ esprimis esperon, ke Biden montros "politikan gvidadon" por revenigi la usonan politikon pri Ĉinio al "racia kaj praktika" vojo.

Li diris, "Ĉinio kaj Usono bezonas pliigi komunikadon kaj kunlaboron. Ambaŭ bone regu siajn enlandajn aferojn, surŝultrigu sian parton de internaciaj respondecoj, kaj kune laboru por antaŭenigi la noblan aferon de la monda paco kaj disvolviĝo."

Biden konsentis, ke kiel ĉefaj landoj, Usono kaj Ĉinio havas respondecon al la mondo same kiel al siaj popoloj.

La usona prezidento diris, "La du flankoj devas havi malfermajn kaj sincerajn dialogojn por plibonigi komprenon de la intencoj de unu la alia, kaj certigi, ke la konkurenco inter la du landoj estu justa kaj sana, kaj ne deturniĝu en konflikton."

Prioritataj kampoj postulantaj komunajn klopodojn

Xi asertis, ke Ĉinio kaj Usono devas gvidi la tutmondan respondon al elstaraj defioj, pligrandigi la kukon por duflanka kunlaboro, regi diferencojn kaj sentemajn aferojn en konstruiva maniero kaj plifortigi kunordigon kaj kunlaboron pri gravaj internaciaj kaj regionaj ĉefaj problemoj. La du landoj devas plene utiligi la dialogkanalojn kaj mekanismojn inter siaj diplomatiaj, sekurecaj, ekonomiaj kaj financaj, kaj klimatŝanĝaj teamoj, por antaŭenigi praktikan kunlaboron kaj solvi specifajn problemojn.

Xi emfazis la principan pozicion de Ĉinio pri la tajvana demando. Li diris, ke atingi la kompletan reunuiĝon de la lando estas aspiro kunhavita de la ĉina nacio. Li rimarkis, "se la separismaj fortoj por tajvana sendependeco provos nin, devigos niajn manojn aŭ eĉ transpasos la ruĝan linion, ni estos devigitaj preni rezolutajn rimedojn."

Biden reasertis la longdaŭran politikon de la usona registaro pri unu Ĉinio, kaj deklaris, ke Usono ne subtenas "tajvanan sendependecon."

Li diris, ke Usono kunlaboros kun Ĉinio surbaze de reciproka respekto kaj paca kunekzistado, pliigos komunikadon, reduktos mispercepton kaj konstruive traktos diferencojn, postulante komunajn klopodojn por respondi al tutmondaj defioj, kiaj novkronvirusa pandemio kaj klimata ŝanĝo.

La ĉeestantoj de la ĉina flanko inkludis Ding Xuexiang, direktoro de la Ĝenerala Oficejo de la Centra Komitato de la Komunista Partio de Ĉinio (KPĈ), Liu He, vicĉefministro Yang Jiechi, direktoro de la Oficejo de la Komisiono pri Eksterlandaj Aferoj de la Centra Komitato de la KPĈ, Wang Yi, ŝtata konsilisto kaj ministro pri eksterlandaj aferoj, kaj Xie Feng, vicministro pri eksterlandaj aferoj.

En la usona flanko, ŝtata sekretario Antony Blinken, fiska sekretario Janet Yellen, konsilisto pri nacia sekureco Jake Sullivan, Kurt Michael Campbell, kunordiganto pri hind-pacifikaj aferoj sub la Nacia Sekureca Konsilio, kaj Laura Rosenberger, altranga direktoro por Ĉinio, ĉeestis al la kunveno.