Ika-30 anibersaryo ng relasyong Sino-Israeli, ipinagdiriwang: mensaheng pambati, ipinadala sa isa’t-isa ng mga pangulo ng Tsina at Israel

Nagpalitan ng mga mensahe pambati, Enero 24, 2022 sina Pangulong Xi Jinping ng Tsina at Pangulong Isaac Herzog ng Israel, kaugnay ng ika-30 anibersaryo ng pagkakatatag ng relasyong diplomatiko ng dalawang bansa.
 

Tinukoy ni Xi na sapul nang maitatag ang relasyong Sino-Israeli, lumalalim ang pagkakaibigan ng mga mamamayan ng dalawang bansa, at natamo ang pangmalayuang pag-unlad.

Lubos na pinahahalagahan ni Xi ang pag-unlad ng relasyong Sino-Israeli, at nakahanda siyang magpunyagi, kasama ni Pangulong Herzog, para mapalakas ang pagtitiwalaang pulitikal, mapalalim ang kooperasyong may mutuwal na kapakinabangan at win-win na resulta, mapalawak ang people-to-people exchanges, mapasulong ang matatag na pag-unlad ng may inobasyong komprehensibong partnership, at ihatid ang benepisyo sa kapuwa bansa at kani-kanilang mga mamamayan.
 

Umaasa naman si Pangulong Herzog na mag-iibayo ang relasyong Israeli-Sino sa loob ng kanyang termino.
 

Nang araw ring iyon, nagpalitan din ng mensaheng pambati ang mga punong ministro ng dalawang bansa.
 

Salin: Vera
 

Pulido: Rhio