Tianjin: Lakwatsa sa Tagsibol

Mga ka-barangay at ka-nayon, tagsibol na sa Tsina, at nag-uumpisa nang bumuti ang lagay ng panahon. Nagsisimula na ring umusbong ang mga dahon ng mga punoy-kahoy at bulaklak ng mga halaman, at siyempre, perfect na ang panahon upang maglakwatsa at mamasyal.

Kaya naman, sa edisyong ito ng "Pasyal Tips," ang lunsod ng Tianjin: pinakamalapit na lunsod sa Mega Beijing ang aming ipakikita at ipakikilala sa inyo.

Hapyaw-kaalaman

Ang Tianjin ay salitang Tsino na direktang nangangahulugang "lugar kung saan tumawid sa ilog ang emperador." Nakaharap ang lunsod na ito sa Dagat Bohai, at minsan ding naging imperyal na daungang papasok ng Beijing.

Bago itatag ang People's Republic of China, ang Tianjin ay napasailalim sa pamamahala ng mga bansang katulad ng Italy, Germany, France, Russia, Great Britain, Austria, Japan, at Belgium. Kaya naman magpahanggang sa kasalukuyan, kapansin-pansin ang impluwensiyang kanluranin sa arkitektura ng Tianjin.

Ang mga estrukturang ito ay nagbibigay ng "exotic flavor" na nagpapatingkad sa ganda ng lunsod.

Narito ang ilan sa mga kuhang larawan, hatid sa inyo ng lente ng Serbisyo Filipino:

Estrukturang kanluranin

Mga templo at sinaunang pamilihang Tsino

Mga makabagong gusali

Lumang simbahan ng Tianjin

Tambayan

Mga "cute moments"

Karagdagang Impormasyon

Ang Tianjin ay may tatlong dimensyonal na sistema ng transportasyon. Madaling makakarating dito mula sa ibang lunsod ng Tsina, o maging mula sa ibayong-dagat.

Fly-fly (eroplano):

Ang paliparan ay 13 kilometro mula sa sentro ng lunsod, at madali itong marating sa pamamagitan ng bus at taxi. Ang punong tanggapan naman ng Civil Aviation Administration of China (CAAC) ay matatagpuan sa 113 Nanjing Lu.

Schedule:

Flights to and from         Availability (days of week)         Flying time

Shanghai                            Lunes hanggang Linggo          1.5 oras

Guangzhou                         Lunes hanggang Linggo            2 oras

Hong Kong                         Lunes hanggang Linggo           2 oras

Xiamen                 Lunes, Martes, Miyerkules, at Sabado     2 oras

Qingdao                             Lunes hanggang Linggo            1.5 oras

Chongqing                         Miyerkules at Sabado                 2 oras

Guilin                                 Martes at Biyernes                      4 oras

Nagoya                       Lunes,Miyerkules,at Biyernes           1.5 oras

Tsooo-tsooo (tren):

Araw-araw ay may biyahe ng bullet train mula Beijing patungong Tianjin, at mula Tianjin patungong Beijing. Ang Tianjin ay mayroon ding direktang linya ng tren sa mga lunsod na gaya ng Shanghai, Nanjing, Ji'nan, Fuzhou, Hefei, Yantai, Qingdao, Shijiazhuang Harbin, Shenyang, at Changchun.

Train No        Destination        Departure Time         Arrival Time

T532             Beijing                   0600                        0719

T534             Beijing                   0700                         0821

T540             Beijing                   1305                          1425

T542             Beijing                   1500                          1619

T544             Beijing                    1615                          1729

T546             Beijing                    1656                          1815

K33              Shanghai                  1605                        (2)0930

K253            Guangzhou East        2107                       (2) 0524

K751             Tangshan                 0558                           0724

1477             Zhenjiang                  1943                         (2) 1245

1521              Harbin                     1740                          (2) 1011

2223               Jilin                         2004                          (2) 1308

2545          Wuchang                     1350                           (2) 0857

2561             Xi'an                        0952                            (2) 1008

4403            Dezhou                    1415                                1807

4412/3         Chengde                    2142                            (2) 0436

4417           Qinhuangdao               0805                               1217

4483               Taiyuan                  1953                              (2) 0747

Brooom-brooom (bus):

Ang Tianjin ay may mainam na koneksyon ng mga daanan at lansangan sa halos lahat ng lugar sa bansa. Ito ay matatagpuan sa gitna ng Beijing-Tianjin-Tangshan Expressway, kaya naman napaka-kombinyenteng tunguin ito.