Sa lunsod Wuhan, Hubei ng Tsina — Pinanguluhan dito kamakalawa ni Pangulong Xi Jinping ng Tsina ang talakayan ng mga lider ng ilang probinsya at lunsod para mapakinggan ang kanilang palagay at mungkahi hinggil sa komprehensibong pagpapalalim ng reporma sa bansa.
Sa anim (6) na aspekto, iniharap ng pangulong Tsino ang mahahalagang mungkahing kailangang malalimang imbestigahan at pag-aralan sa proseso ng pagpapalalim ng reporma. Ang mga ito ay: una, ibayo pang pagbuo sa nagkakaisang market system ng buong bansa; ikalawa, ibayo pang pagpapasigla sa pag-unlad ng kabuhayan; ikatlo, ibayo pang pagpapataas ng lebel ng makro-kontrol; ikaapat, ibayo pang pagpapalakas ng kasiglahan ng pag-unlad ng lipunan; ikalima, ibayo pang pagsasakatuparan ng pagkakapantay-pantay at katarungang panlipunan; ikaanim, ibayo pang pagpapataas sa lebel ng pamumuno at kakayahan ng administrasyon ng partido.
Salin: Li Feng