Hinggil sa CRIHinggil sa Serbisyo Filipino
   

Pulong sa unang yugto ng Ika-21 Di-Pormal na Pulong ng mga Lider ng APEC, natapos

(GMT+08:00) 2013-10-08 17:17:51       CRI

Sa Bali Island, Indonesia—Idinaos dito kahapon ang pulong sa unang yugto ng Ika-21 Di-Pormal na Pulong ng mga Lider ng Asia-Pacific Economic Cooperation (APEC). Nagpalitan ng kuru-kuro ang mga kalahok na lider at kinatawan ng sirkulong komersyal ng iba't ibang kasaping bansa, nagdaos ng unang closed-door meeting, at nagsagawa ng mga bilateral at multilateral na aktibidad. Ang usapin ng pagpapanatili sa katayuan ng rehiyong Asya-Pasipiko sa pandaigdigang ekonomiya sa ilalim ng pabagu-bagong kalagayan ay naging mainitang paksa ng naturang pulong.

Ipinalalagay ni Pangulong Susilo Bambang Yudhoyono ng Indonesia na ang kasalukuyang pulong ng APEC ay idinaraos sa isang "masusing" panahon. Aniya, dapat maingat na hawakan ang kasalukuyang kalagayan, kung hindi, malubhang maaapektuhan ang lakas-panulak ng pagbangon ng kabuhayang pandaigdig. Kabilang aniya sa mga posibleng maging negatibong epekto ay ang mas malaking impact sa mga umuunlad at bagong-sibol na ekonomiya, at pagkakaroon ng hadlang sa kanilang pagsisikap para sa pagsasakatuparan ng target ng pag-unlad at pagpapanatili ng sustenableng paglago.

Kasabay ng di-pormal na pulong ng mga lider ng APEC, idinaos din ang APEC CEO Summit. Nagtalumpati sa naturang summit ang 12 lider na kinabibilangan nina Pangulong Xi Jinping ng Tsina at Pangulong Vladimir Putin ng Rusya. Pawang nagpadala ang mga kasapi ng APEC ng isang komong signal. Ito ay ang sa kasalukuyang mahirap na panahon, dapat pasulungin ang liberalisasyon ng kalakalan at pamumuhunan, dahil sa pangmalayuang pananaw, napakalaki ng negatibong epekto ng proteksyonismong pangkalakalan.

Iniharap din sa pulong ang mas maraming konstruktibong paninindigan. Sa ulat ng APEC CEO Summit, iniharap ang 13 mungkahi na gaya ng pagpapasulong ng kalakalan, liberalisasyon ng pamumuhunan, pagpapasulong ng unipikasyon ng patakaran, paglikha ng paksa ng bagong kooperasyong panserbisyo, pagpapalakas ng pag-uugnayan ng supply chain, at iba pa.

Idaraos ng mga lider ngayong araw ang isang closed-door meeting sa ika-2 yugto. Buong pananabik na inaasahan ng mga tao na mararating sa pulong ang mga bungang pandokumento, at matatamo ang progreso sa mga konkretong larangan ng kooperasyon.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>