Natapos na ngayong araw ang apat na araw na ika-3 Sesyong Plenaryo ng ika-18 Komite Sentral ng Partido Komunista ng Tsina (CPC). Ang mga plano ng naghaharing partidong CPC tungkol sa paglutas sa mga iyung may kinalaman sa pamumuhay ng mga mamamayan ay nakatawag ng malaking pansin mula sa lipunan.
Sapul nang idaos ang unang sesyong plenaryo ng ika-18 Komite Sentral ng CPC, naging priyoridad na ng kasalukuyang pamahalaan ang pag-unlad at pamumuhay ng mga mamamayan at buong lakas na nagsisikap para malutas ang mga isyung tulad ng pagpapagamot, edukasyon, social security at iba pa.
Para rito, sa background na bumabagal ang bahagdan ng paglaki ng kita ng pambansang pinansiya, pinabuti muna ng pamahalaang sentral ang estruktura ng budget at binawasan ang paggasta ng pondong pampubliko. Iniharap ng konseho ng estado ng Tsina na sa termino ng kasalukuyang pamahalaan, hindi muna magtatayo ng bagong gusaling pampamahalaan at hiniling sa lahat ng organo ng pamahalaang sentral na bawasan nang 5% ang karaniwang gastos sa taong 2013.
Samantala, para mapasulong ang pagdaragdag ng hanap-buhay, at mapatatag ng pamumuhay ng mga mamamayan, ipinalabas ng pamahalaang sentral ang isang serye ng mga hakbanging kinabibilangan ng pagbabawas ng buwis ng mga maliit at katamtamang laking bahay-kalakal, paglikha ng mga trabahong pampubliko at pagbibigay ng patakarang preperensiyal sa mga bahay-kalakl na nag-e-empleo ng mga mahihirap na grupo.
Bukod dito, ang kaligtasan ng hangin, tubig, lupa, pagkain at iba pang mga puntamental na pangangailangang may kinalaman sa eksistensiya ng mga mamamayan na binalewala sa proseso ng pagpapaunlad ng kabuhayan nitong mahabang panahong nakalipas, ay inilaki na ngayon sa listhan ng paglutas ng pamahalaang sentral. Pagpasok ng taong ito, sinimulang pairalin ng Tsina ang ilang safety standard system, monitoring system, traceability system, maket access system, recall system upang maitatag ang pinakamahigpit na sistema sa pamamahala at pagmomonitor ng gamot at pagkain na sumasaklaw ng lahat ng hakbang ng produksyon, pagbebenta at paggamit.
Bilang panghuli, nagsisikap pa ang pamahalaang Tsino para mapabuti ang sistema at mekanismo para mailikha ang isang kapaligirang panlipunan na may pagkakapantay-pantay sa karapatan, pagkakataon at batas.
