Ayon sa estadistika na ipinalabas ng opisyal ng Pilipinas kahapon ng umaga, ang bagyong Yolanda ay ikinamatay na ng 4011 tao, ikinasugat ng 18557, at 1602 tao ang nawawala.
Ang bagyong Yolanda ay nagdulot ng grabeng kapinsalaan sa Pilipinas. Tinukoy ng ilang tagapag-analisa na napakalakas ng bagyong ito, pero bukod dito, mayroong pang ibang dahilan kung bakit grabe ang pinsala nito: di-maunlad ang imprastruktura ng mga nasalantang purok, di-maayos ang mga hakbangin sa pagpigil sa kalamidad at iba pa.
Sa taong ito, ang bagyong Yolanda ng pinakamalakas na bagyo sa buong daigdig. Mula noong madaling araw ng ika-8 ng buwang ito, nag-landfall ng 6 na beses sa Pilipinas ang Yolanda na nagdulot ng grabeng kapinsalaan. Sinabi ni Eduardo del Rosario, Puno ng National Disaster Risk Reduction and Management Council ng Pilipinas, na naapektuhan ng bagyong Yolanda ang halos 10 milyong tao sa mga apektadong lugar.
Sa kabila nang pagsasagawa ng Pilipinas ng ilang hakbangin bago ang pagdating ng Yolanda, naganap pa rin ang ilang problema sa proseso ng pagsasagawa ng relief work na tulad ng pagka-antala ng paghahatid ng mga panaklolong materyal at iba pa. Hinggil dito, pinuna ang pamahalaan ng Pilipinas ng mga pandaigdigang media at ilang organisasyong pandaigdig, ipinahayag rin ni Herminio Coloma, Presidential Communications Operations Office (PCOO) Secretary, na susuriin ng pamahalaan ang emergency response system ng bansa.
Kasabay ng pagdating ng mga pandaigdigang tulong, unti-unting bumubuti ang kalagayan sa mga nasalantang purok.Nagsimula nang maging normal ang komunikasyon sa karamihan ng mga nasalantang lugar. Pero, sinabi kahapon sa Manila ni Ertharin Cousin ng United Nations World Food Programme (WFP), na sa mga lalawigang apektado may 600,000 biktima ang hindi pa nakakakuha ng anumang tulong.
Bukod sa kapinsalaan sa ari-arian at kasuwalti na dinulot ng Yolanda, ipinahayag rin ni Will Steffen, Puno ng ANU Climate Change Institute ng Australia na ang napakalakas na bagyong Yolanda ay nagpakita sa daigdig na ang pagbabago ng klima ay dulot ng pagiging mainit ng surface waters, at ito ay magdudulot ng mas malakas na bagyo. Dahil dito, dapat magbigay ang daigdig ng mas maraming pansin sa pangangalaga sa kapaligiran.
Salin:Sarah
