Sa Manila, Pilipinas—Sinimulang idaos dito ngayong Miyerkules ang 2-araw na ika-23 Di-Pormal na Pulong ng Mga Lider ng Asia-Pacific Economic Cooperation (APEC). Miyerkules ng umaga, dumalo si Pangulong Xi Jinping ng Tsina sa APEC CEO Summit, at bumigkas ng talumpating pinamagatang"Pagpapatingkad ng Namumunong Papel ng Asya-Pasipiko, Pagharap sa Hamon sa Kabuhayang Pandaigdig."
Sa kanyang talumpati sa pulong, sinabi ni Xi na ang sirkulong industriyal at komersiyal ay pangunahing puwersang tagapagpasulong sa pag-unlad ng Asya-Pasipiko. Noong nakaraan, gumawa ang sirkulong industriyal at komersiyal ng Asya-Pasipiko ng mahalagang ambag para sa kasaganaan at kaunlaran ng rehiyong ito, at mahalagang tungkulin ang isasabalikat nito sa hinaharap. Winewelkam aniya ang patuloy na pakikisangkot ng naturang sirkulo sa proseso ng pag-unlad ng Tsina, para bahaginan ang pagkakataon at interes. Inaasahang gagawa ang sirkulong ito ng mas malaking ambag para sa pangmalayuang pag-unlad, at malakas, sustenable at balanseng paglago ng kabuhayang pandaigdig, dagdag pa niya.
Ang tema ng kasalukuyang APEC meeting ay "Building Inclusive Economies, Building a Better World." Ang mga konkretong paksa sa pulong ay kinabibilangan ng integrasyon ng kabuhayang panrehiyon, pagdedebelop ng mga katamtaman at maliliit na bahay-kalakal at human resources, sustenableng paglaki, at iba pa.
Sa panahon ng pulong, ilalahad ni Xi ang patakaran, ideya at paninindigan ng Tsina hinggil sa kooperasyong panrehiyon ng Asya-Pasipiko, isasalaysay ang proseso ng pagpapatupad ng mga natamong bunga ng APEC meeting sa Beijing, ipapaliwanag ang mga patakaran at hakbangin ng Tsina sa komprehensibong pagpapalalim ng reporma, at pagpapasulopng ng pagbabago at pag-a-upgrade ng kabuhayan, isasalaysay ang mga bagong progreso ng konstruksyon ng Belt and Road Initiative at mga bagong pagkakataong idinulot nito sa Asya-Pasipiko at buong mundo, ilalahad ang kuru-kuro ng Tsina sa pag-unlad ng kabuhayan ng Asya-Pasipiko, maging ng buong daigdig, at bibigyang-diin ang pagtatatag ng partnership ng Asya-Pasipiko.
Lalahok din si Xi sa mga bilateral na pakikipagtagpo sa mga lider ng mga kinauukulang miyembro ng APEC, para talakayin ang prospek ng kooperasyon ng APEC at bilateral na pragmatikong kooperasyon.
Salin: Vera
