Hinggil sa CRIHinggil sa Serbisyo Filipino
   

E-WTO kailangan upang maganap ang malawakang kaunlaran

(GMT+08:00) 2015-11-19 17:53:39       CRI

KAILANGANG magkaroon ng pagbabago sa mga pandaigdigang kalakaran upang tunay na umunlad ang mga maliliit na mamamayan.

Ito ang isa sa binigyang-diin ni Jack Ma, Chairman ng Alibaba sa kanyang talumpati sa APEC Chief Executive Officers' Summit sa Makati Shangri-La Hotel.

Idinagdag niya na may mga kinatawan ang nangungunang may 500 kumpanya sa daigdig at nais niyang mas maraming mga maliliit na kumpanya ang makadadalo sa susunod na sampu hanggang 20 taon. Mas maganda aniyang makita ang paglago ng mga maliliit na kumpanya kaya't kailangang suriin ang kasalukuyang nilalaman ng World Trade Organization sapagkat tanging mayayamang bansa at kumpanya lamang ang nakinabang sa biyayang napapaloob sa pandaigdigang samahan.

Isang malaking hamon kung paano magagamit ang technology at innovation upang makinabang ang maliliit na kumpanya, dagdag pa ni G. Ma.

Karanasan sa Davos

Noong unang anyayahan siya sa Davos, Switzerland, nagulat siya sapagkat maraming nambabato at nagtitipon laban sa globalization. Unang pinaniwalaan niya na maganda ang free trade at globalization at kanyang napagtanto na hindi nakinabang ang mga maliliit at umuunlad na bansa sa kalakarang ito.

Kailangang magkaroon ng Electronic World Trade Organization upang makinabang ang mga maliliit na mangangalakal at makipagsabayan sa malalaking kumpanyang mula sa APEC economies.

Ang kalakal ay bahagi ng kultura, passion, innovation at creation. Nararapat lamang mabatid ng lahat na anuman ang iyong laki sa kalakal, ito ay bahagi ng karapatan at hindi nararapat gamiting sandata laban kanino man.

Nararapat lamang suportahan ng World Trade Organization ang maliliit na bansa sapagkat kung hindi, tiyak na magkakaroon ito ng mapaminsalang kahihinatnan.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>