Sumang-ayon ang Tsina't Rusya na ibayo pang pasulungin ang kooperasyon sa iba't ibang larangan para maisakatuparan ang target ng pagdodoble ng bilateral na kalakalan sa 200 bilyong dolyares sa taong 2024. Noong 2018, umabot sa 100 bilyon ang kalakalan ng dalawang bansa.
Narating ng Tsina't Rusya ang nasabing kasunduan makaraang idaos nina dumadalaw na Premyer Li Keqiang ng Tsina at Punong Ministro Dmitry Medvedev ng Rusya ang ika-24 na regular na pulong ng mga puno ng pamahalaan ng dalawang bansa, nitong Martes, Setyembre 17, sa St. Petersburg, Rusya.
Ipinahayag ni Li ang hangarin ng Tsina na mas mainam na iugnay ang Belt and Road Initiative (BRI) sa Eurasian Economic Union (EEU) at ibayo pang mapaginhawa ang kalakalan at pamumuhunan.
Sinabi naman ni Medvedev, na kasabay ng kooperasyon sa mga tradisyonal na larangan na gaya ng enerhiya, nakahandang iangat ng Rusya ang pakikipagtulungan sa Tsina sa high-tech, agrikultura, industriya, abiyasyon at kalawakan, at enerhiyang nuklear.
Salin: Jade
Pulido: Rhio