Hinggil sa CRIHinggil sa Serbisyo Filipino
   

Gala bilang pagdiriwang sa Pambansang Araw ng Tsina, idinaos; mamamayang Tsino, bumati ng mas magandang kinabukasan ng inang-bayan

(GMT+08:00) 2019-10-02 15:32:49       CRI

Kahapon, Oktubre 1, Pambansang Araw at ika-70 anibersaryo ng pagkakatatag ng Republika ng Bayan ng Tsina (PRC). Bilang pagdiriwang sa okasyong ito, isang maringal na gala na may temang "Tsina, Mahal Kita" ang idinaos kagabi, sa Tian'anmen Square, Beijing, kabisera ng bansa.

Libu-libong kinatawan mula sa iba't ibang sektor at iba't ibang lahi ng bansa ang lumahok sa pagtatanghal na kinabibilangan ng koro, sayaw, palabas ng paputok, at iba pa. Karamihan sa mga kalahok ay karaniwang mamamayang Tsino. Sa pamamagitan ng pagtatanghal, ipinakikita nila ang pagmamahal sa inang-bayan.

Si Zhe Xu ay isang magsasaka mula sa Yulin, lalawigang Shaanxi sa dakong hilaga-kanluran ng Tsina. Itinanghal niya, kasama ng mga taga-nayon ang sayaw ng yaogu o waist drum, katutubong sining ng Yulin. Ani Zhe, ito ang kanyang kauna-unahang paglahok sa ganitong maringal na pagtatanghal. Excited na excited aniya siya. Ipinahayag din ni Zhe ang pag-asang sasagana pa ang inang-bayan at bubuti pa ang pamumuhaya ng mga mamamayang Tsino.

Kasabay ng 90 minutong palabas, naging maliwanag ang langit ng Beijing sa palabas ng makukulay na paputok. Binuo ng palabas ng paputok ang numerong 70, salitang Tsino na Chinese Dream, hugis basket ng bulaklak, berdeng puno at iba pa.

Salin: Jade

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>