"Noong Enero 11, nang di pa alam ng karamihan sa mga tao ang tungkol sa corona virus, sinimulan na namin ang pagdedebelop ng bakuna."
Ito ang winika ng lider Amerikano sa kanyang talumpati sa White House, at nasindak ang opinyong-publiko ng buong mundo sa pahayag na ito.
Nauna rito, ipinahayag din ni Pangulong Donald Trump ng Amerika na nalaman niya ang tungkol sa novel coronavirus noong katapusan ng Enero, at isinagawa ang aksyong pamproteksyon sa mga mamamayan mula noong Marso 13.
Sa kanyang pagpapatunay kamakailan sa Kongreso, sinabi ni Robert Redfield, Direktor ng Centers for Disease Control and Prevention (CDC) ng Amerika, na noong Enero 2, nakipag-ugnayan at nakipagtalakayan ang kanyang sentro sa Chinese Center for Disease Control and Prevention.
Noong Enero 12, Beijing time, ibinahagi ng Tsina sa World Health Organization (WHO) ang genome sequence information ng novel coronavirus.
Ipinapakita nitong nalaman agad ng panig Amerikano ang mga kaukulang impormasyong ibinahagi ng panig Tsino.
Pero bakit nila inilihim ang tunay na kalagayan ng epidemiya sa publiko, at pinaratangan ang Tsina na nagbibigay ng di-malinawag na mga impormasyon?
Dahil sa serye ng mga katotohanan ito, kaduda-duda ang mga pangyayari nang magsimula ang epidemiya ng Corona Virus Disease 2019 (COVID-19) sa Amerika.
Ayon sa ulat ng Cable News Network (CNN) ng Amerika, pinalakas kamakailan ng White House ang pagkontrol sa pagkalat ng mga impormasyon.
Inilabas din kamakailan ng The Lancet, awtorisadong magasing medikal sa daigdig, ang editoryal na pinamagatang "Reviving the US CDC."
Ayon dito, ang paglilihim ng mga impormasyon, pagsugpo sa siyensiya, pangangalaga sa pansariling kapakanan, pag-iwas sa mga duda, at pagbabaling ng sisi sa ibang panig ang mga paraan ng mga pulitikong Amerikano sa pagharap sa pandemiya ng COVID-19, at ugat ng trahedya ng epidemiya sa Amerika.
Sa harap ng mahigit 88,000 milyong pumanaw sa COVID-19 sa Amerika, anu-ano pa kaya ang inililihim ng Amerika, sa pamamagitan ng walang humpay na pagluluto ng mga kasinungalingan?
Salin: Vera
