Naglabas kamakailan ang World Health Organization (WHO) ng bagong "timeline ng pagharap sa COVID-19 pandemic." Tungkol dito, ipinahayag ng Chairman of the China Task Force in the US House of Representatives na si Michael McCaul, ang pagdududa sa bilis at kaliwanagan ng pagsasapubliko ng panig Tsino ng impormasyon ng epidemiya.
Kaugnay nito, ipinahayag nitong Lunes, Hulyo 6, 2020 ni Tagapagsalita Zhao Lijian ng Ministring Panlabas ng Tsina, na ang pagbaluktot ng ilang politikong Amerikano ng katotohanan at paglikha ng kasinungalingan ay naglalayong siraan ang Tsina at World Health Organization (WHO) at patingkarin ang kanilang sariling kapakanang pulitikal. Hinihimok aniya ng panig Tsino ang naturang politikong Amerikano na igalang ang katotohanan at itigil ang kanilang panlilinlang na pulitikal.
Dagdag pa niya, ayon sa timeline na isinapubliko ng pamahalaang Tsino at WHO, agaran at maliwanag na ibinahagi ng Tsina ang kaukulang impormasyon ng epidemiya sa komunidad ng daigdig.
Salin: Lito