Hinggil sa CRIHinggil sa Serbisyo Filipino
   

Mga pangulo ng Tsina at Rusya, nag-usap sa telepono: ugnayang Sino-Ruso, palalakasin

(GMT+08:00) 2020-07-09 14:55:38       CRI

Sa pag-uusap sa telepono nitong Miyerkules, Hulyo 8, 2020 nina Pangulong Xi Jinping ng Tsina at Pangulong Vladimir Putin ng Rusya, binigyang-diin ni Xi, sa kasalukuyan, mabilis ang pagbabago ng kalagayang pandaigdig.

Bilang komprehensibo, estratehiko at kooperatibong magka-partner, kailangang-kailangan aniya ang pagpapahigpit ng estratehikong pag-u-ugnayan at pagtutulungan ng Tsina at Rusya.

Nakahanda aniya ang panig Tsino, kasama ng panig Ruso, na patuloy at buong tatag na katigan ang isa't isa, tutulan ang pakikialam at pagsira ng mga puwersang panlabas, pangalagaan ang sariling soberanya, patatagin ang seguridad at kapakanang pangkaunlaran, at protektahan ang komong interes ng kapuwa panig.

Saad ni Xi, kasabay ng pagpapabuti ng mga hakbang kontra sa pandemiya ng Coronavirus Disease 2019 (COVID-19) sa pangmalayuang pananaw, dapat ding pag-aralan ng kapuwa panig ang pleksibleng paraan, upang mapasulong ang pagpapanumbalik ng kooperasyon sa iba't ibang larangan.

Nagpahayag naman si Putin ng suporta sa pagsisikap ng Tsina sa pangangalaga sa pambansang seguridad sa Espesyal na Rehiyong Administratibo ng Hong Kong (HKSAR), at pagtutol sa anumang aksyong nakakasira sa soberanya ng Tsina.

Dagdag ni Putin, ginawang priyoridad ng diplomasya ng Rusya ang relasyon sa Tsina.

Nakahanda aniya siyang patuloy na pasulungin, kasama ng panig Tsino, ang pragmatikong kooperasyon ng dalawang bansa sa iba't ibang larangan, palakasin ang estratehikong pag-uugnayan at pagkokoordinahan sa ilalim ng mga balangkas na gaya ng Shanghai Cooperation Organization (SCO) at United Nations (UN), at pangalagaan ang estratehikong katatagan at seguridad ng buong mundo.

Salin: Vera

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>