Bilang tugon sa iresponsableng pananalita ni Mike Pompeo, Kalihim ng Estado ng Amerika, tungkol sa gagawing preparatoryong konsultasyon ng World Health Organization (WHO) at Tsina para sa pag-imbestiga ng pinagmulan ng coronavirus, sinabi kahapon, Biyernes, ika-10 ng Hulyo 2020, ni Tagapagsalita Zhao Lijian ng Ministring Panlabas ng Tsina, na ang Tsina ay unang bansang nag-anyaya ng mga eksperto ng WHO, para gawin ang siyentipikong pag-imbestiga ng pinagmulan ng coronavirus. Layon nito aniyang suportahan ang mas mabisang paglaban ng buong daigdig sa pandemiya, at bigyang-ambag ang pandaigdig na kooperasyon sa usapin ng kalusugang pampubliko.
Dagdag ni Zhao, kung totoong binibigyang pansin ng Amerika ang pandaigdig na paglaban sa COVID-19, dapat isabalikat nito ang mga pandaigdig na responsibilidad at obligasyon, at isagawa ang pakikipagkooperasyon sa WHO. Pero sa katotohanan aniya, ang mga ginawa ng Amerika ay pagtiwalag sa WHO, pagpapabaya sa sariling tungkulin ng pagpigil at pagkontrol sa sakit, at paninira sa pandaigdig na kooperasyon sa paglaban sa pandemiya.
Salin: Liu Kai