|
||||||||
|
||
Noong isang linggo, walang pag-aalinlangang bumigkas si Mike Pompeo, Kalihim ng Estado ng Estados Unidos, ng talumpati kontra Tsina. Aniya, nabigo ang patakaran ng Amerika sa pakikipag-ugnayan sa Tsina, at binalak na ilagay ang relasyong Sino-Amerikano sa deadlock, batay sa kaisipan ng "new cold war."
Magkakasunod na kinondena ng mga media, dalubhasa at iskolar na kanluranin ang mga pulitikong tulad ni Pompeo, at hindi tinanggap ng umiiral na opinyong publiko ng daigdig ang ideya ng umano'y "new cold war."
Nitong Linggo, Hulyo 26, 2020, tinukoy ng ulat ng Consumer News and Business Channel o CNBC ng Amerika na nagiging mas radikal ang patakaran ng pamahalaan ni Donald Trump sa Tsina. Anang ulat, dahil sa unilateral na probokasyon ng Amerika, napakamapanganib ng sumisidhing girian sa pagitan ng dalawang pinakamalaking ekonomiya sa daigdig.
Sa tingin naman ng Los Angeles Times, ang talumpati ni Pompeo ay nagbunga ng malaking pagbabago sa relasyong Amerikano-Sino. Buong pagkakaisang ipinalalagay ng mga iskolar na nag-aaral ng relasyong Sino-Amerikano na may intensyon ang pamahalaan ni Trump sa paglulunsad ng isang "new cold war." Anila, mapanganib ang ganitong kilos, at posibleng humantong ito sa sagupaan.
Ipinalalagay naman ng pahayagang Financial Times ng Britanya na ang talumpati ni Pompeo ay parang isang campaign speech. Anito, mas lumilitaw ang personal na opinyon ni Pompeo, at paunti nang paunti ang kanyang pagiging patas.
Salin: Vera
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |