|
||||||||
|
||
Ayon sa pinakahuling datos na isinapubliko nitong Biyernes, Agosto 7, 2020 ng Pangkalahatang Administrasyon ng Adwana ng Tsina, noong isang buwan, umabot sa 2.93 trilyong yuan RMB ang kabuuang halaga ng kalakalang panlabas ng Tsina. Ito ay mas laki ng 6.5% kumpara sa gayunding panahon ng nagdaang taon.
Kabilang dito, 1.69 trilyong yuan ang halaga ng pagluluwas na lumaki ng 10.4%, at 1.24 trilyong yuan ang halaga ng pag-aangkat na lumaki ng 1.6% kumpara sa gayunding panahon ng tinalikdang taon.
Ayon sa datos, mula noong nagdaang Enero hanggang Hulyo, umabot sa 2.51 trilyong yuan ang kabuuang halaga ng pag-aangkat at pagluluwas ng Tsina at Association of Southeast Asian Nations (ASEAN). Ito ay mas malaki ng 6.6% kumpara sa gayunding panahon ng nagdaang taon. Ang ASEAN ay nagsisilbing pinakamalaking trade partner ng Tsina.
Salin: Lito
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |