|
||||||||
|
||
Ang Agosto 8, 2020 ay ika-12 Pambansang Araw ng Kalusugan ng Tsina na may temang "Pagpapasulong ng Kalusugan ng mga Mamamayan para sa Pagsasakatuparan ng Komprehensibong May Kaginhawahang Lipunan."
Noong Enero 23, 2017, pumunta si Xi Jinping sa lunsod Zhangjiakou para maglakbay-suri sa gawain ng paghahanda para sa Beijing Winter Olympics
Bilang tagapagtaguyod at tagapagpraktis ng pagpapalakas ng buong mamamayan, tinukoy ni Pangulong Xi Jinping ng Tsina na ang isang malusog na tao ay dapat magkaroon hindi lamang ng mayamang kaalaman at nilalamang kultural, kundi magkaroon ng malusog na diwa at katawan. Aniya, dapat paunlarin ang mga larong pampalakasan para walang humpay na mapataas ang kalidad ng pangangatawan at kalusugan ng lahat ng mga mamamayan.
Lubos na pinahahalagahan ni Xi ang kalusugan ng mga mamamayan. Itinuturing niya ito bilang mahalagang nilalaman ng komprehensibong pagtatatag ng may kaginhawahang lipunan. Gawing bagong lebel ng pambansang estratehiya ang kalusugan ng mga mamamayan.
Para rito, komprehensibong isinaayos ni Xi ang konstruksyon ng malusog na Tsina. Tinukoy niya na ang kalusugan ay kinakailangang kahilingan ng pagpapasulong ng komprehensibong pag-unlad ng sangkatauhan, pundamental na kondisyon ng pag-unlad ng kabuhayan at lipunan, mahalagang sagisag ng malakas na nasyon at mayamang bansa, at komong hangarin ng malawak na masa ng mga mamamayan.
Sapul nang sumiklab ang Coronavirus Disease 2019 (COVID-19) sa kasalukuyang taon, palagiang hinihiling ni Xi na dapat unahin ang seguridad ng buhay at kalusugan ng mga mamamayan.
Sabi ni Xi, sa pagpapabilis ng pagtatatag ng malakas na bansa sa palakasan, dapat igiit ang ideya ng pagpapauna ng mga mamamayan. Aniya, dapat maging sandigan ang mga mamamayan sa pagpapaunlad ng usaping pampalakasan para maging starting point at target ang pagbibigay-kasiyahan sa pangangailangan ng mga mamamayan sa kalusugan at pagpapasulong ng kanilang komprehensibong pag-unlad.
Diin pa niya, dapat komprehensibong isakatuparan ang pambansang estratehiya ng pagpapalakas ng mga mamamayan para walang humpay na mapataas ang lebel ng kalusugan ng mga mamamayan.
Salin: Lito
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |