Hinggil sa CRIHinggil sa Serbisyo Filipino
   

CMG Komentaryo: Ikatlong CIIE, plataporma para pasiglahin ang kabuhayang pandaigdig; Pilipinas, muling kalahok

(GMT+08:00) 2020-11-04 20:28:27       CRI
Binuksan Miyerkules ng gabi, Nobyembre 4, ang ika-3 China International Import Expo (CIIE) sa lunsod Shanghai, gawing silangan ng Tsina.

Apatnapung (40) exhibitor mula sa Pilipinas ang kasalukuyang nag-e-eksibit sa Food Philippines Pavilion sa ilalim ng temang "Healthy and Natural."

Ito ang ikatlo nang paglahok ng Pilipinas sa CIIE.

Pagkaraan ng China International Fair for Trade-In Services (CIFTIS) na naganap sa Beijing nitong nagdaang Setyembre, ang pagdaos ng Ika-3 CIIE ayon sa nakatakdang iskedyul ay naglalatag ng isa pang plataporma upang mapasulong ang pagpapanumbalik ng kalakalan at kabuhayang pandaigdig.

Bunga ng maayos na pangkalahatang pagkontrol sa pagkalat ng pandemiya ng Coronavirus Disease 2019 (COVID-19), idinudulot ng pamilihang Tsino ang magagandang pagkakataong komersyal para sa mga bansa at bahay-kalakal na dayuhan, sa gitna ng pandemiya.

Ayon sa pinakahuling datos mula sa Philippine Statistics Authority (PSA), nitong nagdaang Setyembre, umakyat ng 2.2% ang halaga ng pagluluwas ng Pilipinas kumpara sa gayunding panahon ng 2019.

Mataas ang bilang na ito kumpara sa -12.8% na datos noong Agosto.

Sa kabuuang 6.22 bilyong dolyares na pagluluwas ng Pilipinas nitong nagdaang Setyembre, 20% nito na nagkakahalaga ng 1.2 bilyong dolyares ang pumunta sa Tsina, kaya, ang Tsina ang nagsisilbing pinakamalaking bansang pinagluluwasan ng Pilipinas.

Nitong unang tatlong kuwarter ng 2020, lumaki ng 20.8% ang halaga ng benta ng kilalang personal care company na L'Oréal sa pamilihang Tsino kumpara sa ganyunding panahon ng taong 2019.

Samantala, noong ikalawang kuwarter ng taong ito, napanumbalik naman ang paglaki ng benta ng Volkswagen sa merkadong Tsino, at nakasaad sa ulat pinansyal ng German automaker, na ang Tsina ay nagsisilbing pangunahing lakas-panulak para sa muling pagsigla ng pamilihan ng sasakyang-de-motor.

Ang mga ito ay masasabing bunga ng walang humpay na pagsisikap ng Tsina para sa pagpapalawak ng pagbubukas sa labas.

Sa kabila ng mga negatibong epektong dulot ng pandemiya, upang mapabuti pa ang kapaligirang komersyal ng bansa, dalawang beses inilabas ng Tsina ang mga bagong preperensyal na patakaran para hikayatin ang mga puhunang dayuhan.

Higit pa rito, sa kalalabas na Ika-14 Five-Year Plan (2021-2025) at Long-Range Objectives Through the Year 2035, ipinangako ng Tsina na ipagpapatuloy ang pagbubukas sa mas malawak na saklaw, mas maraming larangan, at malalim na lebel.

Layon nitong magdulot ng mas maraming pagkakataong komersyal para isakatuparan ang komong kaunlaran.

Salin: Jade
Pulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>