in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Ziyarar aikin da 'yan jaridun CRI suka kammala a lardin Hebei
2017-05-25 06:48:55 cri

A ranar Alhamis 11 ga watan Mayu ne, 'yan jaridun kasashen waje daga wasu sassa kimanin bakwai da ke aiki a gidan rediyon kasar Sin CRI da wasu 'yan jaridun na lardin Hebei, suka kammala ziyarar aiki ta kwanaki hudu da suka kai a lardin, wato daga ranar 7 zuwa 11 ga watan Mayu.

A yayin wannan ziyara, 'yan jardiun sun ziyarci birane da dama na wannan lardin, wadanda suka hada da birnin Shijiazhuang, da Cang Zhou, da Xianghe, Langfang. Bugu da kari a yayin wannan ziyara, tawagar 'yan jaridun, ta ziyarci wurare da dama masu muhimmanci a lardin da suka hada da kamfanin harhada magungunan gargajiya da na zamani na Yiling, da kamfanin samar da na'urorin wutar lantarki mai zaman kansa na Kelin dukkansu a birnin Shijiazhuang.

Sauran wuraren da tawagar 'yan jaridun ta ziyarta sun hada da kamfanin madara na Junlebao, da kamfanin samar da makamashi mai tsafta na ENN da rumbun adana bayanai mai suna Range Data centre, da tashar jiragen ruwa da sabon yankin raya tattalin arziki na Bohai da kuma rukunin kamfanonin mutum-mutumin inji dake Xianghe.

Wannnan ziyara ta baiwa tawagar damar ganin irin ci gaban da lardin na Hebei ya samu da irin rawar da wadannan kamfanoni ke takawa a fannonin kimiyya da inganta lafiyar bil-Adam da tattalin arzikin da harkar kasuwanci tsakanin kasar Sin da sauran kasashen duniya. Haka kuma ziyarar ta kara nuna wa tagawar tarin albarkatun dake lardin Hebei. (Saminu/Ibrahim/Sanisu Chen)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China