in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Babban jami'in tsaron Venezuelan yayi fatali da kalaman Trump da cewa dagawa ne da isgili
2019-02-20 14:29:16 cri
Ministan tsaron kasar Venezuelan Vladimir Padrino Lopez yayi watsi da kalaman da shugaban kasar Amurka Donald Trump yayi game da kasar ta kudancin Amurka da cewa kalamai ne na nuna dagawa da cin fuska.

A madadin babban jami'in rundunar wanzar da tsaron kasa ta National Bolivarian Armed Forces (FANB), Padrino ya bayyana cewa, Trump "sama sam ba ya mutunta 'yancin kasarmu a matsayinta na jamhuriya (ta juyin juya hali), da nuna adawa da mulkin danniya da kuma yanayin tafiyar da ayyukan hukumomin kasarmu."

A cikin jawabin da ya gabatar a ranar Litinin ga wasu dandazon 'yan gudun hijirar Venezuela a yankin Miami, na jahar Florida, Trump, ya zargi shugaban kasar Venezuelan Nicolas Maduro da jagorancin gwamnatin 'yan gurguzu ta kama karya.

Trump ya kuma bukaci jami'an dake goyon bayan Maduro dasu bada damar shigar da kayayyakin jin kan al'umma, kana ya bukaci dakarun tsaron kasar dasu amince da tayin da 'yan adawa suka yi na neman afuwa, idan ba haka ba, komai zai iya lalacewa. (Ahmad)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China