Hukumar kula da harkokin sararin samaniyar kasar Sin, ta sanar a yau Jumma' cewa, kasar ta yi nasarar harba wani tauraron dan-Adam dake iya daukar hotuna masu inganci cikin sararin samaniya daga cibiyar harba taurarin dan-Adam ta Taiyuan dake lardin Shanxi a yankin arewacin kasar.

An dai harba tauraron ne ta hanyar amfani da rokar Long March-4B da misalin karfe 11 da mintuna 10 na safiyar yau agogon birnin Beijing na kasar Sin.

Wannan shi ne na karo na 337, da aka yi amfani da rokar Long March wajen harba taurarin dan-Adam. (Ibrahim)