جاڭا حابارلار

جاڭا داۋىردە قول ۇستاسا ىلگەرىلەپ، تىڭ داستان جازۋعا كۇش ۇيىستىرايىق

    كەلۋ قاينارى: شينجياڭ گازەتى    2018-01-22 19:12:17  

−ساياسي كەڭەس اۆتونوميالى رايوندىق 12-كەزەكتى كوميتەتى 1-ءماجىلىسىنىڭ اشىلعاندىعىن قىزۋ قۇتتىقتايمىز
شينجياڭ گازەتى باسماقالاسى

@جاڭا جىل كىرىسىمەن، سالتاناتتى جينالىستاردىڭ اشىلۋىن كۇتىپ الدىق. قوعامداعى ءار سالانىڭ تىلەگى جۇكتەلگەن، تۇتاس رايونىمىزداعى ءار ۇلت حالقىنىڭ ماڭىزدى تاپسىرماسىن ارقالاعان ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ءماجىلىسى بۇگىن سالتاناتپەن اشىلدى. تۇتاس شينجياڭنىڭ جەر - جەرىنەن كەلگەن جاڭا كەزەكتى ساياسي كەڭەستىڭ ءار ۇلت، ءار سالاداعى مۇشەلەرى ءبىر اراعا باس قوسىپ، شينجياڭنىڭ ورنىقتىلىق، دامۋ ۇلى جوسپارىن بىرگە اقىلداسادى. بۇل تۇتاس اۆتونوميالى رايونىمىزداعى ءار ۇلت حالقىنىڭ ساياسي ومىرىندەگى ءىرى ءىس، ءبىز ءماجىلىستىڭ اشىلعاندىعىن قىزۋ قۇتتىقتايمىز!@@وتكەنگە قايىرىلىپ قاراساق، كوڭىلىمىز مارقايادى. وتكەن 5 جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن ىقىلاستى قامقورلىعىندا، اۆتونوميالى رايوندىق پارتكوم تۇتاس رايونىمىزداعى ءار ۇلت كادرلارى مەن بۇقارانى ىنتىماقتاستىرىپ جانە باستاپ، ۇدەرە العا تارتىپ، قيىنشىلىقتاردى جەڭىپ، سان - سالالى ىستەردە نىق قادام تاستادى. اسىرەسە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم تۇتاس رايونىمىزداعى ءار ۇلت كادرلارى مەن بۇقارانى ىنتىماقتاستىرىپ، باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، «ءبىر باس نىسانانى» مىقتاپ ورناتۋ، «ەكى شەشۋشى ءتۇيىندى» مىقتى يگەرۋ، «ءبىر تاماشا مەحانيزمدى» اقاۋسىزداندىرۋ، «كەشەندى شارالاردى» ويداعىداي اتقارۋ تۇلعالىق ورنالاستىرۋىنا ساي، ساتى بويىنشا قىسىم بەرىپ، قۋزاۋ - جەتەكشىلىك ەتۋدى، تياناقتاندىرۋدى كۇشەيتىپ، ورنىقتىلىق، دامۋ قىزمەتتەرىن ءبىر تۇتاس جوبالاپ ىلگەرىلەتىپ، شينجياڭ قىزمەتىندە جاڭا جاعداي اشتى. وسى ناتيجەلەرگە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسىندا قول جەتكىزدىك، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسىندا قول جەتكىزدىك، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ، اسىرەسە، قوعام ورنىقتىلىعى مەن باياندى تىنىشتىق باس نىساناسىنىڭ ءبىر تۇتاس جەتەكشىلىك ەتۋى مەن ءجون سىلتەۋىنىڭ ارقاسىندا قول جەتكىزدىك، بۇكىل ەلىمىزدەگى ءار ۇلت حالقىنىڭ قالتقىسىز كومەك كورسەتۋىنىڭ ارقاسىندا قول جەتكىزدىك، شينجياڭداعى ءار ۇلت كادرلارى مەن بۇقارانىڭ قاجىرلىلىقپەن كۇرەس جۇرگىزۋىنىڭ ارقاسىندا قول جەتكىزدىك.
@@كوپتىڭ اقىل - پاراساتى دەموكراتيا ارقىلى شوعىرلاندىرىلىپ، شۇعىلالى تابىس ىنتىماقپەن سومدالدى. وتكەن 5 جىلدا مەملەكەتتىك ساياسي كەڭەستىڭ كوڭىل ءبولۋى مەن جەتەكشىلىك ەتۋىندە، اۆتونوميالى رايوندىق پارتكومنىڭ باسشىلىعىندا، تۇتاس رايونىمىزداعى ءار دارەجەلى ساياسي كەڭەس ۇيىمدارى وتانشىلدىق جانە سوتسياليزم تۋىن بيىك ۇستاپ، ىنتىماق، دەموكراتيا سىندى 2 ۇلكەن تاقىرىپتان جازباي، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، نازاردى باس نىساناعا شوعىرلاندىرىپ، شينجياڭنىڭ سان - سالالى ىستەرىنىڭ دامۋىنا شىنايى كەڭەس بەرىپ، اقىل قوسىپ، ناقتى شارالار كورسەتىپ، ءبىرسىپىرا ورەلى، تاتىمدى، قۇندى پىكىرلەر مەن ۇسىنىستار قويىپ، اۆتونوميالى رايوندىق پارتكوم مەن حالىق ۇكىمەتىن شەشىم جاساۋعا پايدالاناتىن ماڭىزدى ۇسىنىس - پىكىرمەن قامداپ، شينجياڭنىڭ ورنىقتىلىعى مەن دامۋىنا جۇرتتىڭ تىلەگىن جانە كۇشىن ۇيىستىرىپ، قوعام ورنىقتىلىعى مەن باياندى تىنىشتىقتى جەبەۋدە ماڭىزدى رول اتقارىپ، ەلەۋلى ۇلەس قوستى.
@@وتكەن 2017 - جىل − پارتيامىز بەن مەملەكەتىمىزدىڭ تاريحىندا ءداۋىر بولگىش ماڭىز العان ءبىر جىل، پارتيانىڭ 19 - قۇرىلتايى تىڭ تاريحي بەلەستە پارتيا مەن مەملەكەت ىستەرىنىڭ تىڭ جورىعىن باستادى. بيىل − پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋدىڭ باستاپقى جىلى، رەفورما جاساۋدىڭ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزەتىن، «13 - بەسجىلدىق» جوبانى اتقارۋدا بۇرىنعىعا مۇراگەر، كەيىنگىگە بۇيداگەر بولاتىن شەشۋشى جىل. الداعى 5 جىل شينجياڭنىڭ قوعام ورنىقتىلىعى مەن باياندى تىنىشتىق نەگىزىن ونان ارى بەكەمدەيتىن شەشۋشى مەزگىل. جاڭا داۋىردە، جاڭا جورىقتا بورىش پەن جاۋاپكەرشىلىك اناعۇرلىم جاپالى، اۋىر. نەعۇرلىم كەڭ كولەمدە ورتاق تانىم قالىپتاستىرىپ، ىنتىماقتى ۇزدىكسىز نىعايتۋ ءۇشىن، ءار جاقتىڭ تىلەگىن سولعۇرلىم شىنايى، تولىق اڭىس ەتىپ، قوعامنىڭ ءار ساتىسىنداعىلاردىڭ ءبىر نيەتپەن، ءبىر تىلەكپەن، ءبىر بەتالىسپەن بىرگە ىلگەرىلەۋىنە بەلسەنە جەتەكشىلىك ەتۋ قاجەت. مىنە بۇل حالىق ساياسي كەڭەسىنىڭ تيەسىلى جاۋاپكەرشىلىگى مەن قۇلشىنۋ بەتالىسى، حالىق ساياسي كەڭەسى ىسكەرلىگىن ايگىلەيتىن ءورىس اسا كەڭ. حالىق ساياسي كەڭەس ىستەرىن تىنباي جالعاستىرۋ، ماڭگى دامىتۋ ءۇشىن، ءار كەزەكتەگى ساياسي كەڭەس مۇشەلەرى بۇرىنعىلاردىڭ ىزىمەن بولاشاققا جول اشىپ، تالىقپاي تالپىنۋى قاجەت. ءبىز جاڭا كەزەكتى ساياسي كەڭەستىڭ، ءسوز جوق، وسكەلەڭ ساياسي جاۋاپكەرشىلىك جانە تاريحي بورىشتىلىق سەزىممەن پارتيا 19 - قۇرىلتايىنىڭ ستراتەگيالىق ورنالاستىرۋى بويىنشا، ىنتىماق، دەموكراتيا سىندى 2 ۇلكەن نەگىزگى تاقىرىپقا ۇزدىكسىز تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، نازاردى باس نىساناعا شوعىرلاندىرىپ، فۋنكتسيانى مۇقيات اتقارىپ، باسىمدىق رولىن ساۋلەلەندىرىپ، جاڭا داۋىردە ساياسي كەڭەس قىزمەتىندە قۇلشىنا جاڭا جاعداي اشىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ، قوعام ورنىقتىلىعى مەن باياندى تىنىشتىقتى جۇزەگە اسىرۋ ءۇشىن اناعۇرلىم زور تىڭ ۇلەس قوساتىندىعىنا كامىل سەنەمىز.
@@اۋەلگى ماقساتتى ۇمىتپاي، ۇزدىكسىز كۇش ۇيىستىرۋ، ءبىر نيەت، ءبىر بەتالىسپەن شۇعىلالى بولاشاققا شەرۋ تارتۋ كەرەك. پارتيانىڭ 19 - قۇرىلتايى بىزگە جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدىڭ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ايبىندى جوباسىن جاساپ، سان - سالالى ىستەردى ىلگەرىلەتۋىمىزگە اناعۇرلىم ايقىن بەتالىس كورسەتىپ بەردى. ءبىز اۆتونوميالى رايوندىق پارتكومنىڭ باسشىلىعىندا، ساياسي كەڭەس مۇشەلەرىنىڭ ورتاق قۇلشىنۋىندا، وسى رەتكى ءماجىلىستىڭ، ءسوز جوق، ىنتىماقتى، دەموكراتيالى، شىندىققا جۇگىنگەن، جىگەردى قاۋلاتاتىن، دامۋعا بىرگە تالپىناتىن، ادامعا شابىت بەرەتىن ءماجىلىس بولاتىندىعىنا، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە قۇدىرەتتى وڭ ەنەرگيا ۇيىستىراتىندىعىنا كامىل سەنەمىز!
@@ءماجىلىستىڭ تابىستى بولۋىن تىلەيمىز!


بەرىپ كەت ورامالىڭدى

دوستار

الىستاعى اق ەركە