جاڭا حابارلار

شوكىرات زاكىر ساياسي كەڭەس اۆتونوميالى رايوندىق -12كەزەكتى كوميتەتىنىڭ -1ماجىلىسىنە قاتىناسقان ەكونوميكا سالاسىنداعىلاردىڭ تالقىسىنا قاتىناستى

    كەلۋ قاينارى: شينجياڭ حالىق راديو ىستانسياسى    2018-01-25 13:05:33  

24-قاڭتار تۇستەن كەيىن، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ساياسي كەڭەس اۆتونوميالى رايوندىق 12-كەزەكتى كوميتەتىنىڭ 1-ماجىلىسىنە قاتىناسقان ەكونوميكا سالاسىنداعىلاردىڭ تالقىسىنا قاتىناسىپ، مۇشەلەردىڭ ۇسىنىس-پىكىرىن تىڭدادى. ول بىلاي دەپ باسا دارىپتەدى: ورتالىقتىڭ ەكونوميكالىق قىزمەتى ءماجىلىسىنىڭ جانە اۆتونوميالى رايوندىق پارتكومنىڭ ەكونوميكالىق قىزمەتى ءماجىلىسىنىڭ رۋحىن مۇقيات دايەكتىلەندىرىپ، ورتالىقتىڭ تالابىن مىقتى يگەرىپ، جاڭا دامۋ تانىمىن ويداعىداي دايەكتىلەندىرىپ، ابزالدىلىقتى ساۋلەلەندىرىپ، دالمە ء-دال كۇش سالىپ، اۆتونوميالى رايوننىڭ ەكونوميكاسىنىڭ جوعارى ساپالى دامۋىنا اقىل-پاراساتىمىز بەن كۇش-قايراتىمىزدى ارناپ، رايونىمىزدىڭ ەكونوميكاسىنىڭ دامۋىن تىڭ دەڭگەيگە كوتەرۋىمىز كەرەك.
ماجىلىستە، راۋ گوپيڭ، گاۋ جياڭحۋاي، لي فىڭچۇن، امەت ابدۇكەرىم، شۇي باۋشيا سياقتى 5 مۇشە ۇكىمەت قىزمەتىنەن بايانداما مەن ساياسي كەڭەس قىزمەتىنەن باياندامانى نەگىز ەتە وتىرىپ، تولعاقتى تاقىرىپتار، حالىق تۇرمىسىنا قاتىستى كەلەلى ىستەر جونىندە ەركىن اڭگىمەلەسىپ، بەلسەنە ۇسىنىس-پىكىر ايتتى.
كوپشىلىكتىڭ ءسوزىن تىڭداعاننان كەيىن، شوكىرات زاكىر بىلاي دەدى: كەزەكتە، رايونىمىزدىڭ ەكونوميكاسىنىڭ دامۋ جاعدايى جاقسى، ورنىقتىلىق بارىسىندا العا ىلگەرىلەپ، مەجەدەگىدەن دە جاقسى؛ قۇرىلىم ابزالدانىپ، ساپا جوعارىلادى؛ نەگىز بەكەمدەلىپ، تەبىن جەتكىلىكتى بولدى؛ رەفورما تەرەڭدەتىلىپ، اناعۇرلىم ومىرشەڭدىك كۇشىن ايگىلەدى. ءبىز ورتالىقتىڭ ەكونوميكالىق قىزمەتى ءماجىلىسىنىڭ رۋحىن مۇقيات دايەكتىلەندىرىپ، جاڭا دامۋ تانىمىنىڭ تەرەڭ مازمۇنى جوعارى ساپالى دامۋدىڭ ءتۇبىرلى تالابىن مىقتى يگەرىپ، تانىمدى، وي جەلىسىن، شارانى جاڭا دامۋ تانىمىنىڭ تالابىمەن بىرلىككە كەلتىرىپ، جوعارى قارقىمەن دامۋدان جوعارى ساپالى دامۋعا بۇرىلىس جاساۋدى جۇزەگە اسىرۋىمىز كەرەك؛ نازاردى اۋىر حاۋىپ-قاتەرلەردەن ساقتانۋ جانە ونى باسەڭدەتۋ، كەدەيلىكتەن دالمە-ءدال قۇتىلدىرۋ، بىلعانىشتىڭ الدىن الۋ جانە ونى وڭاۋ سىندى «3 ءىرى قامال الۋ شايقاسىندا» جەڭىپ شىعۋعا شوعىرلاندىرىپ، جاسىل دامۋعا تاباندى بولىپ، «بىلعانىشى اۋىر، قۇراۋى جوعارى، لاس زاتتى كوپ شىعاراتىن» نىسانداردىڭ شينجياڭعا كىرۋىن قاتاڭ تەجەپ، كوركەم شينجياڭ قۇرىلىسىن تىڭعىلىقتى ىلگەرىلەتۋىمىز كەرەك.
اۆتونوميالى رايوندىق پارتكومنىڭ ەكونوميكالىق قىزمەتى ءماجىلىسىنىڭ جالپى تالابىن مۇقيات دايەكتىلەندىرىپ، اۆتونوميالى رايوندىق پارتكوم تۇراقتاندىرعان جالپى تالاپتى، ماڭىزدى ورنالاستىرۋلاردى جانە «9 ءتۇيىندى قىزمەتتى» ارقاۋ ەتىپ، ابزالدىلىقتى ساۋلەلەندىرىپ، دالمە-ءدال كۇش سالىپ، رايونىمىزدىڭ ەكونوميكاسىنىڭ دامۋىن تىڭ دەڭگەيگە كوتەرۋ كەرەك. شوكىرات زاكىر بىلاي دەپ اتاپ كورسەتتى: رايونىمىزدىڭ ەكونوميكاسىنىڭ دامۋىن ەكونوميكا سالاسىنداعى مۇشەلەردىڭ ىرىقتى ات سالىسۋى مەن كۇش سالا قولداپ-قۋاتتاۋىنان بولە قاراۋعا بولمايدى، كوپشىلكتەن، جاقسى ادىستەردى كوبىرەك ورتاعا قويىپ، كوبىرەك ۇسىنىس ايتىپ، شينجياڭنىڭ ەكونوميكاسىنىڭ جوعارى ساپالى دامۋىنا اقىل-پاراساتى مەن كۇش-قايراتىن ارناۋىن ءۇمىت ەتەمىز. ءبىرىنشى، مەملەكەت مەنشىگىندەگى كاسىپورىن رەفورماسىن ىلگەرىلەتىپ، اۆتونوميالى رايوندىق پارتكومنىڭ مەملەكەت مەنشىگىندەگى كاسىپورىنداردىڭ، مەملەكەت مال-مۇلكىن باقىلاۋ-باسقارۋ رەفورماسىن تەرەڭدەتۋ جونىندەگى تالابىنىڭ ورنالاستىرۋى بويىنشا، مەملەكەت مەنشىگىندەگى ەكونوميكانىڭ ورنالاستىرۋدى ابزالداندىرۋدى، قۇرىلىمدى رەتكە سالۋدى، ستراتەگيالىق سيپاتتى قايتا قۇرۋدى جەدەلدەتىپ، مەملەكەت مەنشىگىندەگى كاپيتالدى قۇدىرەتتەندىرىپ، ابزالداندىرىپ، نىعايتۋ كەرەك. ەكىنشى، ناقتى تۇلعالىق ەكونوميكاعا قىزمەت وتەپ، «ناقتى تۇلعالىق ەكونوميكا ــ ەكونوميكانىڭ دامۋىنىڭ نەگىزى » دەگەن تانىمدى كۇشەيتىپ، ساياساتتان ويداعىداي پايدالانىپ، قيىنشىلىقتان قامال الۋ، وتە-موتە، «ءبىر بەلدەۋ، ءبىر جول» ورايىن مىقتى يگەرۋ ارقىلى وزەكتى رايون قۇرىلىسىن ىلگەرىلەتىپ، ناقتى تۇلعالىق ەكونوميكانىڭ دامىپ كەمەلدەنۋىن قولداۋ كەرەك. ءۇشىنشى، قوعامدىق جاۋاپكەرلىكتى ارقالاپ، اۋىل شاۋاشىلىق ونىمدەرىن مانەرلەۋ نىسانىن دامىتۋ، كەدەيلكتەن قۇتىلدىرۋدان قامال الۋدى قولداۋ، جۇمىسقا ورنالاستىرۋ كولەمىن كەڭەيتۋ، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى سياقتى جاقتاردا اناعۇرلىم زور كۇش قوسۋ كەرەك. شوكىرات زاكىر بىلاي دەپ تالاپ ەتتى: قاتىستى تاراۋلار اۆتونوميالى رايوندىق پارتكوم العا قويعان «تاماشا قورشاعان ورتا جاراتۋ» تالابى بويىنشا، جاڭا دامۋ تانىمىن دايەكتىلەندىرۋگە جول اشۋ، ناقتى تۇلعالىق ەكونوميكانىڭ دامۋىن جەبەۋ ءۇشىن ىرىقتى قىزمەت وتەپ، تاماشا تيجارات ساۋدا ورتاسىن جاراتىپ، ۇكىمەت پەن ساۋدا سالاسىنىڭ «جاقىن»، «كىرشىكسىز» جاڭاشا قاتىناسىن ورناتىپ، رايونىمىزدىڭ ەكونوميكاسىنىڭ جاڭا جاعدايىن قۇلشىنا اشۋ كەرەك.
ساياسي كەڭەس اۆتونوميالى رايوندىق 12-كەزەكتى كوميتەتى 1-ءماجىلىسى ءتوراعالار القاسىنىڭ تۇراقتى ءتوراعالارى چىڭ جىنشان، ماعاۋ سەيىتقامزا ۇلى تالقىعا قاتىناستى.


بەرىپ كەت ورامالىڭدى

دوستار

الىستاعى اق ەركە