جاڭا حابارلار

›ءبىر بەلدەۋ، ءبىر جول‹ ستراتەگياسى شينجياڭنىڭ دۇنيە ءجۇزى ساحناسىندا شۇعىلا شاشۋىن جەبەدى

    كەلۋ قاينارى: شينجياڭ حالىق راديو ىستانسياسى    2018-01-25 13:53:05  
«دوڭگەلەك داۋلەتكە جەتۋ ساپارىن جاپپاي باستايىق» دەگەن تاقىرىپتاعى جەلىلەس حاباردىڭ 25-قاڭتار ستانسيامىزدىڭ ءتىلشىسى لي لۇڭ مەن ەرىكتى ءتىلشى ما لي جازعان ءتورتىنشى ءبولىمىن تىڭداڭىزدار: جۋ كىرگەن ىزعارلى قىس ديحانداردىڭ ەگىس جۇمىسىنىڭ سايابىر مەزگىلى سانالادى، دەگەنىمەن، قورعاس قالاسى مۇقىر مال فەرماسى كەگەن قىستاعىنىڭ ديحانى ساۋ گويىن مەن ەگىمشىلىكپەن شۇعىلداناتىن بىرنەشە ديحان قازىر ءار كۇنى قورعاس جين-ي حالىقارالىق ساۋدا شەكتى سەرىكتەستىگىنە ۋاعىندا قىزمەتكە شىعادى، ولار جازدا كوكونىس ەگىپ ساتسا، ال قىستا جۇمىس ىستەپ اقشا تابادى. ساۋ گويىن: عالامتور، سەرىكتەستىك، بازا، سەلبەستىك كوپەراتيۆى جانە ديحاندار بىرلەسۋ فورماسىنان پايدالانىپ، جين-ي سەرىكتەستىگىمەن ۇزاق ۋاقىتتىق سەلبەستىك قاتىناسىن ورناتتىق، جەمىس-جيدەكتەرىمىزدىڭ ساتىلۋىنا كەپىلدىك ەتىلدى، ونىڭ ۇستىنە قىمبات باعادا ساتىلادى. ەندى ءبىرى قىسقى ەگىس جۇمىسىنىڭ سايابىر مەزگىلىندە جين-ي سەرىكتەستىگىندە جۇمىس ىستەپ، كۇنىنە 300 يۋاننان ارتىق كىرىس كىرگىزەمىز، وتە قۋانىشتامىز،-دەدى.
قورعاس جين-ي حالىقارالىق ساۋدا سەرىكتەستىگى ـــ ىلە وبلىسىنداعى اۋىل شارۋاشىلىق ونىمدەرىن ەكسپورت ەتەتىن تىرەكتى كاسىپورىن، نەگىزىنەن ورتا ازياداعى بەس ەل مەن رەسەيگە جەمىس-جيدەك، كوكونىس ەكسپورت ەتەدى. اۆتونوميالى رايوندىق ساياسي كەڭەستىڭ مۇشەسى، قورعانس جين-ي حالىقارالىق ساۋدا سەرىكتەستىگىنىڭ باس جوراسى يۇي چىڭجۇڭ، بيىلعى «ۇكىمەت قىزمەتىنەن باياندامادا» مەملەكەتتىڭ «ءبىر بەلدەۋ، ءبىر جول» قۇرىلىسىنا ىشكەرىلەي قاتىناسۋ كەرەكتىگى اتاپ كورسەتىلدى، مۇنىڭ كاسىپورىننىڭ دامىپ نىعايۋىنا تاريحي سيپاتتى وراي اكەلگەنىن ايتا كەلىپ بىلاي دەدى: سەرىكتەستىگىمىزدىڭ جىلدىق ەكسپورت ساۋدا سوماسى 100 ميلليون ا ق ش دوللارى، ەكسپورت ونىمدەرىنىڭ %60 ءى شينجياڭنىڭ جەرگىلىكتى ونىمدەرى. «ءبىر بەلدەۋ، ءبىر جول» دارىپتەمەسى جىبەك جولىنىڭ بويىنداعى ەلدەر مەن قالالارعا تاماشا ابزالدىلىقتار الا كەلدى، مىسالى: كەدەننەن زات وتكىزۋ قارقىنى بارىنشا تەزدەدى، بۇرىن ءۇش تە ءتورت كۇندە ورتا ازيا ەلدەرىنە جەتەتىن زاتتار قازىر قورعاس كەدەنى ارقىلى سول كۇنى قازاقستان بازارىنا كىرەدى، اسىرەسە، رەسەيگە زات ەكسپورت ەتۋگە كەتەتىن بۇرىنعى 8 كۇن قازىر 4 كۇنگە قىسقاردى. مىنە بۇل «ءبىر بەلدەۋ، ءبىر جول» ستراتەگياسىنىڭ شينجياڭعا، كاسىپورىندارىمىزعا كومەگىنىڭ زور ەكەنىن تۇسىندىرەدى.
بيىلعى «ۇكىمەت قىزمەتىنەن باياندامادا»، جىبەك جولى ەكونوميكالىق بەلدەۋىنىڭ وزەكتى رايونىن قۇرۋدى تەزدەتىپ، جان-جاقتىلى ەسىك اشۋ جاعدايىن قالىپتاستىرۋ كەرەكتىگى العا قويىلدى. «بەس ءىرى ورتالىق» قۇرۋدى تەزدەتىپ، قاشقار، قورعاس ەكونوميكالىق اشۋ رايونىن اناعۇرلىم جۇيەلەندىرىپ جانە ويداعىداي قۇرىپ، سىرتقا ەسىك اشۋداعى تەرەزەلىك جانە تەكشەلىك رولىن شىن مانىندە ويداعىداي ساۋلەلەندىرۋ قاجەت. اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق قامداۋ-ساتۋ سەلبەستىك كوپەراتيۆى پارتكومنىڭ شۋجيى، القالار كەڭەسىنىڭ مەڭگەرۋشىسى ليۋ چۋانشين، وزەكتى رايون قۇرۋ شينجياڭنىڭ ەرەكشە كاسىبىنىڭ دامۋىن نىعايتىپ، حالىقارالىق بازاردى اشۋعا تىڭ تەكشە جاراتقانىن ايتا كەلىپ بىلاي دەدى: وزەكتى رايوننىڭ جالپىلاسۋ، جەبەۋ رولىن قايتكەندە ساۋلەلەندىرۋگە بولادى؟ بۇل ەرەكشە ماڭىزدى ماسەلە. ەمدەۋ، عىلىم-تەحنيكا، مادەنيەت، فينانس، قاتىناس سياقتى جاقتاردان باستاپ قۇرۋ كەرەك، بۇل تاپتىرماس تاماشا وراي. قامداۋ-ساتۋ كوپەراتيۆى سالاسى شينجياڭنىڭ ەرەكشە كاسىبىن، وتە-موتە، جەمىس اعاشى كاسبىن دامىتۋدى ارقاۋ ەتىپ، شينجياڭنىڭ ساپالى جەمىس-جيدەگىن ورتا ازيا ەلدەرىنە كەڭەيتۋىمىز قاجەت، مەنىڭشە، بۇل بازار ەرەكشە كەڭ، ءبىزدىڭ ءبىر يمپورت-ەكسپورت سەرىكتەستىگىمىز كورشى ەلدەرمەن وسى جاعىندا ىشكەرىلەي سەلبەستىك جاسادى. «ءبىر بەلدەۋ، ءبىر جول» ستراتەگياسىنىڭ دامۋ اياق الىسىنىڭ اناعۇرلىم تەرەڭدەۋىنە بايلانىستى، شينجياڭنىڭ ەرەكشە ونىمدەرىنىڭ ورتا ازيا ەلدەرى بازارىنا بەت الۋ بولاشاعى اناعۇرلىم زور، بۇعان سەنىمىمىز كامىل.
جان-جاقتىلى ەسىك اشۋ جاعدايىن قالىپتاستىرۋدا، سىرتپەن تۇتاساتىن بۋىنداردى اشىپ، كاسىپورىنداردىڭ جەرگىلىكتى ورىندا «ءبىر بەلدەۋ، ءبىر جول» ستراتەگياسىمەن ۇشتاسۋىن بارىنشا ىركىلىسسىزدەندىرۋ، قولايلىق جاساۋ جانە وزىندىك قۇنىن تومەندەتۋ كەرەك، اۆتونوميالى رايوندىق حالىق قۇرىلتايىنىڭ ۋاكىلى، ءۇرىمجى كەدەنى پارتگرۋپپاسىنىڭ شۋجيى، كەدەن باستىعى جاۋ گى، 2018-جىلى كەدەننىڭ ءبىرقىدىرۋ رەفورمانى اتقارىپ، جىبەك جولى ەكونوميكالىق بەلدەۋىنىڭ وزەكتى رايونىن قۇرۋ اياق الىسىن ىلگەرىلەتەتىنىن ايتا كەلىپ بىلاي دەدى: «ۇكىمەت قىزمەتىنەن باياندامادا»، كەدەننىڭ ءتۇرلى فورماداعى بىرلەسىپ تاسىمالداۋ ورتالىعى رولىن ساۋلەلەندىرۋ كەرەكتىگى اتاپ كورسەتىلدى، قازىر بىزدە كەدەن باس مەكەمەسى ساتىسىندا جانە جەر-جەردەگى جۇڭگو-ەۆروپا كەزەكشى زات تاسىمال پويەزى قاتىناعان قاتىستى ولكە، قالامەن تۇتاستىرۋ اياق الىسىن بەلسەنە ىلگەرىلەتىپ، ءۇرىمجى كەدەنىمەن سەلبەستىگىن كۇشەيتۋدەمىز، ءۇرىمجى ءتۇرلى فورماداعى بىرلەسىپ تاسىمالداۋ ورتالىعى ىشكى-سىرتقى ساۋدادا زاتتاردى شوعىرلى بىرىكتىرۋ، شوعىرلى تاسىمالداۋدى جۇزەگە اسىرۋمەن بىرگە، جۇڭگو-ەۆروپا كەزەكشى زات تاسىمال پويەزىنىڭ تاسىمالداۋ وزىندىك قۇنىن بارىنشا تومەندەتتى ءارى شينجياڭدا ىشكى-سىرتقى ساۋدادا زاتتاردى بارىنشا شوعىرلاندىرۋ اياق الىسىن ىلگەرىلەتىپ، جىبەك جولى ەكونوميكالىق بەلدەۋىنىڭ وزەكتى رايونى سىندى وسى ءبىر يكەمدى رولىن جۇزەگە اسىراتىن بولادى. ەلىمىزدىڭ باتىسقا ەسىك اشۋ اياق الىسىنىڭ ۇزدىكسىز كەڭەيۋىنە بايلانىستى، شينجياڭنىڭ تۇتاس ەلىمىز ەكونوميكاسىن جەبەۋدە بارعان سايىن زور رول اتقاراتىنا سەنىمىمىز كامىل.

بەرىپ كەت ورامالىڭدى

دوستار

الىستاعى اق ەركە