جاڭا حابارلار

ساياسي كەڭەس اۆتونوميالى رايوندىق 12-كەزەكتى كوميتەتىنىڭ ءبىرىنشى ءماجىلىسى جابىلدى

    كەلۋ قاينارى: شينجياڭ حالىق راديو ىستانسياسى    2018-01-26 11:19:16  

ستانسيامىزدىڭ ءتىلشىسى سۇن ۋي حابارلايدى: ساياسي كەڭەس اۆتونوميالى رايوندىق 12-كەزەكتى كوميتەتىنىڭ ءبىرىنشى ءماجىلىسى ءتۇرلى كەڭەستىك تارتىپتەرىن تابىسپەن ورىنداعاننان كەيىن، 25-قاڭتار تۇستەن بۇرىن جابىلدى.
بۇگىنگى ءماجىلىس سايلاۋ ءماجىلىسى جانە جابىلۋ ءماجىلىسى بولىپ ەكىگە ءبولىندى. چىن چۋانگو، سىمايىل تىلەۋالدى، شوكىرات زاكىر، نايىم ياسىن، سۇن جينلۇڭ، لي پىڭشين، ليۋ ۋانلۇڭ، لي ۋي، شاۋكەت يمىن، شۇي حايرۇڭ، لي شۋەجۇن، ەركىن تۇنياز، ما شۋەجۇن، تيان ۋىن، لو دۇڭچۋان، سارقىت اقان ۇلى، جاڭ چۇنلين، پىڭ جيارۇي سياقتى باسشى جولداستار اۆتونوميالى رايوننىڭ پارتيا، ۇكىمەت، اسكەري ورىندارىنىڭ جانە بيڭتۋاننىڭ باسشىلارىمەن، اۆتونوميالى رايوندىق ساياسي كەڭەستىڭ بۇرىنعى ءتوراعاسى، ورىنباسار ءتوراعالارى مىندەتىن اتقارعان ساقا باسشىلارمەن، اۆتونوميالى رايوندىق ساياسي كەڭەستىڭ ماجىلىسكە قاتىناسقان ءارقايسى ورىندارىنىڭ جاۋاپتىلارىمەن بىرگە جابىلۋ ماجىلىسىنە قاتىناستى، ءارى ءتوراعالار مىنبەسىنەن ورىن الدى.
نۇرلان ءابىلماجىن ۇلى سايلاۋ ءماجىلىسىن باسقاردى. ماجىلىسكە قاتىناسۋعا ءتيىستى مۇشە 530، ولاردىڭ 512 سى قاتىناسىپ، بەلگىلەمەدەگى ادام سانىنا ۇيلەستى.
ماجىلىسكە قاتىناسقان مۇشەلەر، سايلاۋ ءادىسىن، باس بەلەت باقىلاۋشىنىڭ جانە بەلەت باقىلاۋشىلاردىڭ ەسىمدىگىن داۋىس بەرىپ ماقۇلدادى؛ ساياسي كەڭەس اۆتونوميالى رايوندىق 12-كەزەكتى كوميتەتىنىڭ ءتوراعاسىن، ورىنباسار ءتوراعالارىن، باس حاتشىسىن جانە تۇراقتى مۇشەلەرىن سايلاپ شىقتى. نۇرلان ءابىلماجىن ۇلى ساياسي كەڭەس اۆتونوميالى رايوندىق 12-كەزەكتى كوميتەتىنىڭ ءتوراعالىعىنا؛ چىڭ جىنشان، جورات يمين، ماعاۋ سەيىتقامزا ۇلى، جاڭ بو، ءمۇتالىپ وبۇل، كۇڭ شيڭلۇڭ، دوۋ ۋانگۇي، چيۋ شۋحۋا، ياڭ يۇڭ، يلحام سابىر،ما شيۋڭچىڭ، ابدىراقىپ تۇمنياز ورىنباسار ءتوراعالىعىنا، جاڭ بو باس حاتشىلىعىنا، ما حۋادۇڭ سياقتى 107 ادام تۇراقتى مۇشەلىگىنە سايلاندى.
جاڭادان سايلانعان اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى جابىلۋ ءماجىلىسىن باسقاردى، ءارى ءسوز سويلەدى. ساياسي كەڭەس اۆتونوميالى رايوندىق 12-كەزەكتى كوميتەتىنىڭ ورىنباسار ءتوراعالارى، باس حاتشىسى ءتوراعالار مىنبەسىنىڭ الدىڭعى قاتارىنان ورىن الدى.

جابىلۋ ماجىلىسىندە، ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسى، ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ءماجىلىسى ۇسىنىس-جوبانى تەكسەرۋ كوميتەتىنىڭ ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ماجىلىسىنىڭ ۇسىنىس-جوبانى تەكسەرۋ احۋالى جونىندەگى بايانداماسى، ساياسي كەڭەس اۆتونوميالى رايوندىق 12-كەزەكتى كوميتەتى ءبىرىنشى ءماجىلىسىنىڭ ساياسي قاۋلىسى ماقۇلداندى.
نۇرلان ابىلماجىن ۇلى جاڭا كەزەكتى اۆتونوميالى رايوندىق ساياسي كەڭەس تۇراقتى كوميتەتى اتىنان، پارتيا مەن حالىق جۇكتەگەن اۋىر مىندەتتى،ءسوز جوق، ادا ەتىپ، مۇشەلەردىڭ كۇتكەن ۇمىتىنەن شىعىپ، اۆتونوميالى رايوندىق پارتكومنىڭ دۇرىس باسشىلىعىنا مىزعىماي تاباندى بولىپ، مىندەتتى مۇقيات اتقارىپ، ىنتىماقتاسا كۇرەس جاساپ، ساياسي كەڭەس ىسىتەرىن ۇزدىكسىز ىلگەرىلەتەتىندىكتەرىن ايتتى.
نۇرلان ءابىلماجىن ۇلى بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، پارتيا 19-قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋ تالابى بويىنشا، باس نىسانانى ارقاۋ ەتە وتىرىپ، ءداۋىردىڭ اۋىر جۇگىن ارقالاۋىمىز كەرەك. مۇنداءبىرىنشى، جاڭا داۋىردە، تىڭ رولىمىزدى ساۋلەلەندىرىپ، ساياسي قۇرىلىستى ماڭداي الدى ورىنعا قويۋدان جازباۋىمىز ءتيىس. باس شۋجي شي جينپيڭنىڭ پارتيا ورتالىق كوميتەتى مەن بۇكىل پارتيانىڭ ۇيتقىلىق ورنىن، پارتيا ورتالىق كوميتەتىنىڭ بەدەلى مەن شوعىرلى ءبىرتۇتاس باسشىلىعىن باتىل قورعاپ، «4 تانىمدى»، «4 سەنىمدى» باتىل كۇشەيتىپ، شينجياڭنىڭ بەيجيڭمەن اراسى الىس بولسا دا، جۇرەگىمىزدىڭ شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىرگە سوعۋىن، تىعىز بىرگە بولۋىن باتىل ورىنداۋىمىز كەرەك. ەكىنشى، جاڭا داۋىردە جاڭا ناتيجەلەردى ايگىلەپ، نازاردى باس نىساناعا شوعىرلاندىرىپ، بورىشتى ادا ەتىپ، جاۋاپكەرلىكتى بۇلجىماي ارقالاۋىمىز كەرەك. قوعامنىڭ جاراسىمدى ورنىقتىلىعىن قورعاۋ جاعىندا مىندەتتى باتىل ادا ەتىپ، جاڭا دامۋدى شىنايى دايەكتىلەندىرۋدە جاۋاپكەرلىگىمىزدى ارقالاپ، حالىق تۇرمىسىن كۇش سالا قامتاماسىز ەتۋ جانە جاقسارتۋدا ناتيجە جاراتىپ، ۇلتتار ىنتىماعىن ۇزدىكسىز بەكەمدەۋدە ۇلگى كورسەتىپ، ساياسي كەڭەس قىزمەتى ءتاسىلى ارقىلى اۆتونوميالى رايوندىق پارتكومنىڭ ءتۇرلى شەشىم-ورنالاستىرۋلارىن بۇلجىماي تياناقتاندىرۋىمىز كەرەك. ءۇشىنشى، جاڭا داۋىردە جاڭا بەينە بايقاتىپ، ناقتىلى ىستەۋ بارىسىندا ستيلگە بۇرىلىس جاساپ، ناقتىلى ونىمدىلىك كورسەتۋدەن بۇلجىماۋىمىز كەرەك. باس نىساناعا قىزمەت ەتۋدە جانە ونى تياناقتاندىرۋدا، ساياسي كەڭەس فۋنكتسياسىن اتقارۋدا اتويشى بولىپ، جاپالى، شىنايى ىستەپ، ات ۇستىلىككە سالىنباي، تاماشا قىزمەت تانيجەسى ارقىلى پارتيا مەن حالىقتىڭ سەنىمنەن شىعىپ جانە اۋىر جۇگىن ادا ەتىپ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزىپ، قوعام ورنىقتىلىعى مەن باياندى تىنىشتىقتى تىڭعىلىقتى ىلگەرىلەتۋ جولىندا تىڭ دا اناعۇرلىم زور ۇلەس قوسۋىمىز كەرەك.


بەرىپ كەت ورامالىڭدى

دوستار

الىستاعى اق ەركە