جاڭا حابارلار

اۋىل-قىستاقتى كوركەيتۋدىڭ نەگىزى ــ ادامدا

    كەلۋ قاينارى: شينجياڭ حالىق راديو ىستانسياسى    2018-01-27 20:22:09  

ستانسيامىزدىڭ تىلشىلەردى سۇڭ لينياۋ، ديڭ شياۋدان، لانتيانداردىڭ حابارىن تىڭداڭىزدار: اۋىل-قىستاقتى كوركەيتۋ ستراتەگياسىن اتقارۋ ــــ قالا مەن اۋىلدىڭ توعىسپالى دامۋىن جەدەلدەتۋدىڭ، اۋىل شارۋاشىلىعىن، اۋىل-قىستاقتى وسىزامانداندىرۋدى ىلگەرىلەتۋدىڭ، «اۋىل شارۋاشىلىعىن قۇدىرەتتەندىرۋدى، اۋىل-قىستاقتى كوركەيتۋدى، شارۋالاردى اۋقاتتاندىرۋدى» جۇزەگە اسىرۋدىڭ ماڭىزدى شاراسى. ال اۋىل-قىستاقتى كوركەيتۋدىڭ ماڭىزى ـــ دارىندىلاردا. اۆتونوميالى رايوندىق حالىق قۇرىلتايىنىڭ ۋاكىلى ما سۇنشيا ماناس اۋدانى لانجۋۋانزى قالاشىعى گۇڭباي قىستاعىنىڭ ديحانى، ونىڭ قاراۋىنشا، اۋىل-قىستاقتا دارىندىلار ەڭ تاپشى ەكەن، ول بىلاي دەدى: «تاپشى بولىپ وتىرعان دارىندىلار مەن تەحنيكا. قىستاعىمىزدان دارىندىلاردى تاۋىپ، دارىندىلاردى تاربيەلەگەندە عانا، قىستاقتى دامىتۋعا جەتەكشىلىك ەتۋگە بولادى، كوركەم شينجياڭدى قۇرۋدا تاعى دا وزىمىزگە سۇيەنۋىمىز كەرەك».
شارۋالار-«اۋىل شارۋاشىلىعى، اۋىل-قىستاق، شارۋالار » قىزمەتىنىڭ نەگىزى، اۋىل شارۋاشىلىعىن دامىتۋدىڭ، اۋىل-قىستاقتى قۇرۋدىڭ نەگىزگى كۇشى. پارتيا 19-قۇرىلتايىندا «اۋىل شاۋاشىلىعىن تۇسىنەتىن، اۋىل-قىستاقتى، شارۋالاردى سۇيەتىن اۋىل شارۋاشىلىعى، اۋىل-قىستاق، شارۋالار قىزمەت قوسىنىن تاربيەلەۋ كەرەك»، ــ دەپ العا قويىلدى. بۇل اۋىل-قىستاقتى كوركەيتۋدى جۇزەگە اسىرۋدىڭ نەگىزى، جاڭا داۋىردە اۋىل شاۋاشىلىعى، اۋىل-قىستاق كادىرلارى جانە دارىندىلار قوسىنى قۇرىلىسىن كۇشەيتۋدىڭ باعدارى. اۆتونوميالى رايوندىق ساياسي كەڭەس مۇشەسى، شينجياڭ اۋىل شاۋاشىلىق عىلم اكادەمياسى ميكروورگانيزم قولدالىنبالى زەرتتەۋ ورنىنىڭ باستىعى گو ۋىنچاۋ: اۋىل-قىستاقتا، ۇلگى، جەتەكشى رولى بار مايتالمان دارىدىلاردى تاربيەلەۋدىڭ ىقپالى زور، ونىمدىلىگى تەز بولادى، ــ دەپ قارادى. گو ۋىنچاۋ اۋىل شاۋاشىلىعى تەحنيكاسىن جالپىلاستىرۋ قىزمەتىمەن ۇزاق ۋاقىت شۇعىلدانعان، بۇرىن قىستاقتا ورىستەتكەن شوعىرلى ساباق بەرۋ، تەحنيكاعا تاربيەلەۋ سياقتى قيمىلداردىڭ ونىمدىلىگى كورنەكتى بولماعان. وتكەن جىلدان باستاپ، ول جانە قىزمەتتەستەرى قىزمەت ءتاسىلىن وزگەرتتى. ول بىلاي دەدى: «ءار ءبىر قىستاقتا ءبىز ءبىر دە ەكى وتباسىن تاڭداپ، ولارعا تەحنيكالىق جاقتان ناقتىلى جەتەكشىلىك ەتىپ، ۇلگى كورسەتۋ ارقىلى قىستاقتاعى باسقا ديحاندارعا ىقپال كورسەتتىك. ءبىز تاڭدالعان ءار ديحان وتباسىن تىزىمدەپ، كىتاپشا جاسادىق، ولارمەن بەلگىلى مەرزىمدە حابارلاسىپ تۇردىق، مۇندا سول جەرگە بارىپ بەتبە-بەت قىزمەت وتەۋ دە قامتىلدى. بۇرىن ءبىز ءبىر قىستاقتى تاڭدايمىز دا، تاربيەلەپ بولعان سوڭ كەتىپ قالاتىنبىز، قازىر، ءبىز ولاردىڭ اتىز باسىنا دەيىن بارىپ، ولاردىڭ وزدەرىنە تاجىريبەلەرىن ايتقىزىپ، سول ارقىلى ماڭىنداعىلارعا جەتەكشىلىك ەتىپ، تەحنيكانى تياناقتاندىرۋعا مۇمكىندىك جاسادىق».
اۋىل-قىستاقتى كوركەيتۋدە، تاعى اۋىل-قىستاقتىڭ نەگىزگى ساتى پارتيا ۇيىمى قۇرىلىسىن كۇشەيتۋ، قىزمەت وتەي الاتىن، باسقارۋعا شەبەر اۋىل-قىستاق نەگىزگى ساتى باسقارۋ شەبەرلەرى قاجەت. «سۋ باسقارما باستىعى، ەندى قانداي ءادىس قولدانعانىمىز ءجون...» گۋما اۋدانى كوكتەرەك اۋىلى تومەنقۇمكول قىستاعىندا، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» بويىنشا قىستاقتا تۇرعان قىزمەت اترەتى مەن قىستاقتىڭ «ەكى كوميتەتى» القاسىنىڭ كەزەكپەن جۇمىس ىستەيتىن بىرلەسكەن كەڭسە زالى ەڭ قاربالاس بولاتىن جەر. وسى جەردە «ارىز-ارماندى قابىلداۋ»، «قوعامدىق قامتاماسىزداندىرۋ»، «جان-جاقتىلى وڭاۋ جاعىندا قىزمەت وتەۋ» سىندى 3 تەرەزەلىك اشىلىپ، قىستاق تۇرعىندارىنىڭ ايتقان ارىز-ارمانىن قابىلداۋ، قوعامدىق قامتاماسىزداندىرۋدى ءبىتىرۋ سياقتى كاسىپتەر ىستەلىپ، ساياسات جاعىندا اقىل-كەڭەس بەرىلىپ، قىزمەت وتەلەدى. قىزمەت اترەتىنىڭ مۇشەلەرى جانە قىستاق كادرلارى بىرىمەن ءبىرى سايكەسىپ، بىرگە جۇمىس ىستەپ، كەز-كەلگەن ۋاقىتتا حابارلاسىپ، پىكىر اۋىستىرىپ، كەڭەس الىپ كومەكتەسىپ تۇرادى. قىستاق پارتيا ياچەيكاسىنىڭ شۋجيى اكبار مامۇت، بىرلەسكەن كەڭسە زالىنىڭ قىستاق تۇرعىندارىنا عانا قىزمەت وتەپ قالماستان، ءارى قىستاق كادرلارىنىڭ قابىلەتىن جوعارىلاتقانىن ايتا كەلىپ بىلاي دەدى: « اۋىل-قىستاقتى كوركەيتۋ نەگىزگى ساتى پارتيا ۇيىمىنداعى، قىستاقتىڭ «ەكى كوميتەت» باسشىلىق القاسىنداعى كوش باسشىلاردىڭ قابىلەتتى بولۋىن، ناقتىلى جۇمىس ىستەۋىن قاجەت ەتەدى. قىزمەت اترەتىنىڭ جەتەكشىلىگىندە قىزمەت ستيلىمىزدە راسىندا بۇرىلىس بولىپ، قىزمەت ءتاسىلىمىز جاقساردى، قىستاق تۇرعىندارىنىڭ بىزبەن اراسى جاقىندادى، 50 قىستاق تۇرعىنى پارتياعا كىرۋگە ءوتىنىشىن تاپسىردى. تەك ادامداردىڭ جۇرەگى جاناسىپ تىلەگى توعىسقاندا عانا، كوركەم اۋىل-قىستاقتى اناعۇرلىم ويداعىداي قۇرىپ، اۋىل-قىستاقتى كوركەيتۋگە بولادى».
اۆتونوميالى رايوندىق حالىق قۇرىلتايىنىڭ ۋاكىلى، اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتىنىڭ تومەنقۇلكول قىستاعىنداعى ءبىرىنشى شۋجيى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى ايشام ءيۇنىس بىلاي دەدى: «نەگىزگى ساتىنى كۇشەيتۋ جاعىندا ءبىز باسشىلىق القا قۇرىلىسىن بارىنشا مىقتى يگەردىك، ۇگىتتەۋ، كومەكتەسۋ ارقىلى قىستاقتىڭ «ەكى كوميتەت» باسشىلىق القاسىنىڭ باستى تۇلعالىق جاۋاپكەرىلىگىن كۇشەيتىپ، ولاردىڭ اكىمشىلىك جۇرگىزۋ قابىلەتى مەن دەڭگەيىن جوعارىلاتىپ، ماڭگى تابانداپ تۇراتىن قوسىندى قۇردىق».
وڭتۇستىك شينجياڭ شينجياڭ قىزمەتىنىڭ ءتۇيىنى. جاراتىلىستىق قورشاعان ورتا سياقتى فاكتورلار سەبەبىنەن، وڭتۇستىك شينجياڭداعى اۋىل-قىستاقتاردىڭ دامۋ دەڭگەيى باسقا رايونداردان مەشەۋ بولدى. اۆتونوميالى رايوندىق ساياسي كەڭەستىڭ مۇشەسى، شينجياڭ اۋىل شارۋاشىلىق عىلىم اكادەمياسى پارتكومىنىڭ ورىنباسار شۋجيى، اكادەميا باستىعى چىن تۇڭ: وڭتۇستىك شينجياڭ اۋىل-قىستاقتى كوركەيتۋدى جۇزەگە اسىرۋدا، الدىمەن ديحانداردىڭ ساپاسى مەن دەڭگەيىن جاپپاي جوعارىلاتۋى كەرەك، دەپ قارادى، ول مىنانى ۇسىنىس ەتتى: «وڭتۇستىك شينجياڭداعى ديحانداردىڭ قابىلەتى قۇرىلىسىن جوعارىلاتۋ ارقىلى وڭتۇستىك شينجياڭنىڭ كەدەيلىكتەن قۇتىلىپ اۋقاتتانۋىن جەبەپ، مەملەكەتتىڭ ءبىرتۇتاس قولدالىناتىن ءتىل ـ جازۋى قابىلەتىن قامتىعان كاسىپتىك تاربيە جاعىنداعى قابىلەتىن جوعارىلاتۋ كەرەك، ءۇشىنشى ديحانداردىڭ عىلىم-تەحنيكادان پايدالانۋ قابىلەتىن جوعارلاتۋ مەن عىلىمي بىلىمدەردى جالپلاستىرۋدى كۇشەيتۋ كەرەك، ءتورتىنشى ديحانداردىڭ سىرتپەن بارىس-كەلىس جاساۋ قابىلەتى مەن بازار ءورىسىن اشۋ قابىلەتىن جەتىلدىرۋ كەرەك. اۋىل-قىستاقتى كوركەيتۋدىڭ نەگىزى ادامدا، ديحانداردا، ديحانداردىڭ ساپاسىن جوعارىلاتۋدا دەپ قارايمىن، ديحاندار قىزمەتى ويداعىداي ىستەلسە، وڭتۇستىك شينجياڭنىڭ اۋقاتتانۋدى جۇزەگە اسىرۋى كوز الداعى ءىس بولماق».


بەرىپ كەت ورامالىڭدى

دوستار

الىستاعى اق ەركە