جاڭا حابارلار

اۆتونوميالى رايوندىق ساياسي كەڭەستىڭ مۇشەلەرى «قارتتاردىڭ كۇتىمدەلۋ» ماسەلەسىنە ءتۇيىندى ءمان بەردى

    كەلۋ قاينارى: شينجياڭ حالىق راديو ىستانسياسى    2018-01-26 12:40:56  
ستانسيامىزدىڭ تىلشىلەرى لان تيان، رىن چيچاۋدىڭ حابارىن تىڭداڭىزدار: پارتيا 19-قۇرىلتايىنىڭ بايانداماسىندا: «جان سانىنىڭ قارتتانۋىنا بەلسەندى توتەپ بەرىپ، قارتتاردى كۇتىمدەۋ، قارتتاردى سيلاۋ، قارتتاردى قۇرمەتتەۋ ساياسات جۇيەسى مەن قوعامدىق ورتاسىن قۇرۋ كەرەك»،-دەپ العا قويىلدى. بيىلعى «ەكى ماجىلىستە» اۆتونوميالى رايوندىق ساياسي كەڭەستىڭ مۇشەلەرى «قارتتاردىڭ كۇتىمدەلۋ» ماسەلەسىنە ءتۇيىندى ءمان بەردى.
24-قاڭتار تۇستە، اۆتونوميالى رايوندىق ساياسي كەڭەس مۇشەلەرىنىڭ تۇرعان جەرى كۇنلۇن قوناق ءۇيىنىڭ زالىندا، ساياسي كەڭەس مۇشەلەرى دىڭ حۇڭ مەن شياۋ حۋ وزدەرى الا كەلگەن ۇسىنىس جوبالارى جونىندە پىكىر اۋىستىردى. مۇشە دىڭ حۋدىڭ نازار اۋدارعان ءتۇيىنى جالعىز پەرزەنتتەردىڭ قارتتاردى كۇتىمدەۋ ماسەلەسى، 2016-جىلدىڭ سوڭىنا دەيىن، ەلىمىزدە جاسى 60 قا جەتكەن جانە ودان اسقان جان سانى 230 ميلليون ادامعا جەتتى، مۇنىڭ %30 تەن استامى جالعىز بالالى اتا-انا. بۇل جونىندە دىڭ حۇڭ، ۇكىمەتتىڭ جالعىز پەرزەنتتى وتباسىنداعى، وتە-موتە، جالعىز پەرزەنتى دۇنيە سالعان وتباسىنداعى قارتتاردى كۇتىمدەۋدى سۇيەمەلدەۋ تەبىنىن ارتتىرىپ، «الەۋمەتتىك اۋماقتىڭ كۇندىز قارايلاسۋ ورتالىعىن» قۇرۋ سياقتى تاسىلدەرمەن، قارتتاردى كۇتىمدەۋ قيىن بولۋ ماسەلەسىن شەشۋدى ۇسىنىس ەتىپ: «ۇكىمەت جالعىز پەرزەنتتى وتباسىلارىنىڭ قارتتاردى كۇتىمدەۋ ارناۋلى تاقىرىپتىق جوسپارىن جاساۋى، ۇكىمەت قىزمەت وتەۋدى ساتىپ الىپ قوسىمشا قاراجات بەرۋى ءتيىس. كوپ نەگىزدى جۇڭگوشالانعان قارتتاردى كۇتىمدەۋ ۇلگىسىن قالىپتاستىرۋ، قارتتار ۇيىندە بولۋدى قالاسا، الەۋمەتتىك اۋماقتىڭ قارتتاردى كۇتىمدەۋگە قاتىناسۋىن تولىق ساۋلەلەندىرۋىمىز قاجەت. ءبىز قوعامدىق كۇشتەردى، ايتالىق ەرىكتىلەر قىزمەت وتەۋىن قابىلداپ، قارتتاردى سيلاۋ، قارتتاردى قۇرمەتتەۋ، كەدەيلەردى سۇيەمەلدەۋ، قيىنشىلىعى بارلارعا كومەكتەسۋ سىندى جۇڭحۋانىڭ ءداستۇرلى اسىل قاسيەتىن قۋاتتاپ، ءبىر قىدىرۋ شارالار ارقىلى جالعىز پەرزەنتتى وتباسىلارىنداعى قارتتاردىڭ كۇتىمدەلۋىن شىنايى جۇزەگە اسىرۋىمىزعا بولادى»،-دەدى.
ساياسي كەڭەس مۇشەسى شياۋ حۋ دا «قالا سىناق ءتۇيىنىن تاڭداپ، ۇقساتپالى قارتتاردى كۇتىمدەۋ ورنىن قۇرۋ جونىندەگى ۇسىنىستى» الا باردى. ول: «ۇقساتپالى قارتتاردى كۇتىمدەۋ ورنى زەينەتكە شىققانىمەن دەنى ساۋ قارتتار ۋاقىت شىعارىپ، قارتتاردى كۇتىمدەۋگە مۇقتاج ادامدارعا قىزمەت ەتۋىنە، ولاردىڭ قىزمەت ەتۋ ۋاقىتى ەستەلىككە الىنىپ، ونى جيناقتاۋعا بولادى. وسى دەنى ساۋ قارتتار وزدەرى باسقالاردىڭ قارايلاسۋىنا مۇقتاج بولعاندا، كەيىنگىلەر وعان سايكەستى قارتتاردى كۇتىمدەۋ قىزمەتىن وتەپ، وتباسىندىق قارتتاردى كۇتىمدەۋدەگى ولقىلىقتاردى تولىقتاۋعا بولادى»،-دەدى.
شياۋ حۋ، «ۇقساتپالى قارتتاردى كۇتىمدەۋ ورنى» اينالىم باسقارۋىن، قىزمەت وتەۋ قاجەتىن توراپقا شىعارىپ، تومەن وزىندىك قۇنمەن قارتتاردى كۇتىمدەۋ ورنىنىڭ قورشاۋىن بۇزدى دەپ قارادى. قازىر، شينجياڭ اقىلدىق قارتتاردى كۇتىمدەۋ الەۋمەتتىك قىزمەت وتەۋ تەكشەسى رەسمي وندىرىسكە قوسىلدى، الايدا وسى سىقىلدى قارتتاردى كۇتىمدەۋدىڭ تىڭ ۇلگىسى ءالى دە ۇكىمەتتىڭ جەتەكشىلىك ەتۋىنە مۇقتاج. ول: «ەڭ الدىمەن وسىنداي تەكشە ورناتۋ كەرەك، ينفورماتسياسى سايكەسەتىن قاجەت ەتۋشى جانە ونى قاناعاتتاندىراتىن قامداۋشى بولۋى ءتيىس، ءبىر شاعىن اۋماقتىڭ وزىندە جاقىن ماڭنان قىزمەت وتەۋگە كەلەدى. ۇكىمەتتىڭ قاتىستى تاراۋلارى پارمەندى جەتەكتەپ، قاجەتتى دەمەۋ بەرۋى، تاربيەلەۋى قاجەت»،-دەدى.

بەرىپ كەت ورامالىڭدى

دوستار

الىستاعى اق ەركە